ბაიერნის ნახევარმცველმა იოზუა კიმიხმა ჩემპიონთა ლიგის დაწყებამდე, ფრანგულ გამოცემასთან ინტერვიუში საკუთარ ბავშვობაზე ისაუბრა და გაიხსენა, რომ ბარსელონას თამაშებს მესის გამო უყურებდა:
'პატარა რომ ვიყავი, ბარსელონას თამაშებს მესის გამო ვუყურებდი. არგენტინელის წასვლის მიუხედავად, ბარსელონას უამრავი ახალგაზრდა და ნიჭიერი ფეხბურთელი ჰყავს, მაგალითად - პედრი და დე იონგი. გუნდში ასევე არიან გამოცდილი ფეხბურთელებიც - ბუსკეტსი, მემფისი და ტერ შტეგენი.
ერთი სული მაქვს, როდის ვესტუმრები კამპ ნოუს', - განაცხადა კიმიხმა.
შეგახსენებთ, აღნიშნული დაპირისპირება 14 სექტემბერს, თბილისის დროით 23:00 საათზე დაიწყება.