ბაიერნის კაპიტანმა, მანუელ ნოიერმა ბარსელონას ყველაზე სახიფათო მოთამაშე დაასახელა, მისი თქმით ეს ფილიპე კოუტინიო არის.
'თუ ბარსელონას უნდა, რომ უფრო სახიფათო გახდეს, კოუტინიოს დატვირთვაა საჭირო. უცნაურია, ეს გუნდი ყველაზე კრეატიულ ფეხბურთელს სათადარიგოთა სკამზე ტოვებს.
'როდესაც ის მოედანზე შემოვიდა, მე რეალურად შემეშინდა, რადგან მისი შესაძლებლობების შესახებ კარგად მომეხსენება. ბრაზილიელი შემტევი საოცრად ნიჭიერი მოთამაშეა და მან ეს ბაიერნში ყოფნის დროსაც დაამტკიცა', - განაცხადა ნოიერმა.
შეგახსენებთ, რომ ბარსელონას ფლეიმეიქერი რეკორდმაისტერში 2019/20 წლების სეზონში, იჯარის წესით თამაშობდა. კოუტინიომ ბაიერნის მაისურით 39 მატჩის ჩატარება და 11 გოლის გატანა მოასწრო.