ბაიერნის თავკაცმა იულიან ნაგელსმანმა ბოხუმთნ 7:0 გამარჯვების შემდეგ, გუნდის მარცხენა ვინგერზე - ლეროი სანეზე ისაუბრა და გერმანელი ფეხბურთელის თვალშისაცემ განვითარებას გაუსვა ხაზი:
'მისი განვითარება ადვილად შესამჩნევია და მე ამას ვხედავ. საერთაშორისო მატჩების დაწყებამდე, ბოლო ორი შეხვედრა მოედანზე ყველაფრის გაკეთებას ცდილობდა და მოედანზე მაქსიმუმს აკეთებდა.
მე ყოველთვის ხაზს ვუსვამდი - რომ ის წარმოუდგენლად კარგი ფეხბურთელია და მასთან ერთად ბევრი წარმატების მიღწევა შეგვიძლია. სანე ამას ბოლო კვირეებია ამტკიცებს', - განაცხადა ნაგელსმანმა.
შეგახსენებთ, მიმდინარე სეზონში სანემ ბაიერნის მაისურით 8 თამაშში მიიღო მონაწილეობა, სადაც თავი 3 გოლითა და 5 საგოლე გადაცემით გამოიჩინა.