მოგეხსენებათ, ცოტა ხნის წინ, გერმანიის ახალგაზრდული ნაკრების მთავარი მწვრთნელი შტეფან კუნცი თურქეთის ნაკრების დამრიგებლად დანიშნეს, შესაბამისად გერმანიის ფეხბურთის ფედერაცია ახალი მწვრთნელის ძიებას შეუდგა.
უკვე ოფიციალურად ხდება ცნობილი, რომ 21-წლამდე ნაკრებს ბაიერნის ყოფილი ცენტრ-ფორვარდი ანტონიო დი სალვო ჩაიბარებს, მისი თანაშემწე კი ჰერმან გერლანდი იქნება, რომელიც ბაიერნშიც ამავზე პოზიციაზე მუშაობდა.
აქამდე, ანტონიო მწვრთნელის თანაშემწე გერმანიის ეროვნულ ნაკრებში, 21-წლამდე ნაკრებში, 19-წლამდე ნაკრებში და ბაიერნის U17-ში იყო.