...

ატლეტიკო - ბაიერნი: მატჩის ანალიზი

კარლო ანჩელოტიმ მიუნხენის "ბაიერნის“ ისტორიაში საუკეთესო სტარტი აიღო, მაგრამ დათმო ამ ეტაპზე ყველაზე მნიშვნელოვანი და ფასეული დაპირისპირება. "რეკორდმაისტერის“ მოგებათა სერია "ვისენტე კალდერონზე“ შეწყდა, სადაც მადრიდის "ატლეტიკო“ ბინადრობს და ევროპის წამყვანი კლუბების მთავარი თავისტკივილია.


მიუხედავად რამდენიმე თვის წინ მიღებული მწარე გამოცდილებისა, "ბაიერნმა“ მადრიდში ამჯერადაც მინიმალური სხვაობით, 0:1 წააგო, მაგრამ ამჯერად მიუნხენელების თამაში არადამაკმაყოფილებელი გამოვიდა. ახლა კი გთავაზობთ მატჩის დეტალურ ანალიზს და გამომდინარე იქიდან, რომ ეს საკმაოდ სერიოზული გამოცდა იყო "რეკორდმაისტერისთვის“, განხილვაც ვრცელი იქნება.



მატჩის მსვლელობა

შეხვედრა საკმაოდ ცოცხალ ტემპში დაიწყო და "ბაიერნმა“ ბურთი ეგრევე მოიპოვა. თავის მხრივ, "ატლეტიკომაც“ აგრესიული პრესინგი თავიდანვე ჩართო. პირველი ხიფათი კი მანუელ ნოიერის კართან შეიქმნა, როდესაც ხავი მარტინესი შეცდა, მაგრამ ხარვეზი თავად გამოასწორა და ესპანელ ფორვარდს არ დაარტყმევინა. პირველი რეალური შანსი კი კარლო ანჩელოტის შეგირდებს ჰქონდათ. ტიაგო ალკანტარას დიდებულმა ჩაგდებამ "როხიბლანკოს“ დაცვა მარტივად მოშალა, მაგრამდ ტომას მიულერის ჰაერიდან დარტყმული იან ობლაკმა უგულებელვყო. პირველი 15 წუთი შედარებით მშვიდი იყო, შემდეგ კი "ატლეტიკო“ ნელ-ნელა ამოვიდა სიღრმიდან და მოედნის ცენტრშიც აქტიურ პრესინგს მიმართა. ამის შემდეგ მიუნხენელთა ტრიო, ტიაგოს, ალონსოსა და ვიდალის შემადგენლობით, რამდენიმეჯერ ჩავარდა. ჯერ კარგი მომენტი იანიკ კარასკოს ჰქონდა, რომლის შორეული დარტყმა ნოიერმა აიღო. მოგვიანებით კი ესპანელებმა დაგვსაჯეს - გრიზმანმა რამდენიმე მეტოქეს აჯობა და ბურთი კარასკოს გაატანა, რომელიც სისწრაფეზე საჯარიმოს მიუახლოვდა და მარცხენა ფეხით ნოიერს შანსი არ დაუტოვა - 1:0. ისე, როგორც რამდენიმე თვის წინ, ჩემპიონთა ლიგის პირველ ნახევარფინალში, "ატლეტიკოს“ შემტევმა "ბაიერნის“ ცენტრის შეცდომით ისარგებლა. დიეგო სიმეონეს გუნდმა უკან დაიხია, მიუნხენელებმა კი პირველი ნახევრის მიწურულს კარგი მომენტი შექმნეს. ალაბამ საჯარიმოში ჩააწოდა, რიბერიმ ლევანდოვსკის დაუგდო, რომელმაც კორპუსით დიეგო გოდინი დაფარა და ფრანგს ზონა გაუთავისუფლა, რიბერიმ დაარტყა, მაგრამ მიზანს მცირედით ააცილა. საბოლოოდ, არც ისე ცუდი პირველი ტაიმი, მაგრამ 0:1.


შესვენების შემდეგ კი ესპანური კლუბი კიდევ უფრო დამაჯერებლად გამოიყურებოდა, ხოლო "ბაიერნი“ შეტევაში ძალიან ერთფეროვნად გამოიყურებოდა. მარჯვენა ფრთაზე ხუანფრანს საულ ნიგესი ნაყოფიერად ეხმარებოდა, ხოლო მარცხნივ ფილიპე ლუისი ბრწყინავდა. ბრაზილიელი მარცხენა მცველი მოედანზე საუკეთესო იყო და ძალიან ბევრს მოძრაობდა. ლუისი თავისი თამამი და სწრაფი დრიბლინგებით "ბაიერნის“ პრესინგსაც არღვევდა და ამ გამარჯვებაში უდავოდ ძალიან მნიშვნელოვანი როლი ითამაშა. ანჩელოტიმ, დაახლოებით შვიდწუთიან ინტერვალში, სამი ცვლილება განახორციელა, მაგრამ დიდად ვერაფერი შეცვალა. არიენ რობენმა თამაშს ვერც ტემპი და ვერც სიმწვავე ვერ შემატა, სამაგიეროდ მასპინძლებმა კიდევ უფრო თამამად გადმოლახეს მოედნის ცენტრი. რეალური საგოლე მომენტი მეორე ტაიმში არც ერთ გუნდს არ ჰქონია, იყო კარასკოს შორეული დარტყმა და ლევანდოვსკის თავური. ბოლოსკენ კი არტურო ვიდალს ნერვებმა უმტყუნა და საჯარიმოში ფილიპე ლუისი წააქცია. პენალტი ანტუან გრიზმანმა ვერ გამოიყენა, მაგრამ ეს ფსიქოლოგიური პლიუსიც "ბაიერნმა“ ვერ გამოიყენა. "ატლეტიკომ“ საქმე ბოლომდე მიიყვანა და აბსოლუტურად დამსახურებული სამი ქულა მოიპოვა.


ტაქტიკური ანალიზი

ტაქტიკური თვალსაზრისით კარლო ანჩელოტის ახალი არაფერი შემოუთავაზებია. ახალი სეზონისთვის კლასიკური 4-3-3, მაგრამ საინტერესოა ის გარემოება, რომ ცენტრალური მცველები კვლავ საკმაოდ მაღლა მოქმედებდნენ. პეპ გვარდიოლას "ბაიერნისთვის" ეს დამახასიათებელი იყო, მაგრამ ახალ სეზონში ეს ასპექტი ასეთი შესამჩნევი არასოდეს ყოფილა. ამის თვალსაჩინო დასტურიც აქვეა.

"ვისენტე კალდერონზე“ მთელი 90 წუთის განმავლობაში საინტერესო ტაქტიკური ჭიდილი მიდიოდა, რომელიც ესპანელების დამაჯერებელი უპირატესობით წარიმართა. "ატლეტიკოს“ მთავარი იარაღი ჯგუფური პრესინგი და ფლანგებზე ორმაგი მეურვეობა იყო, რომლის წინააღმდეგაც "ბაიერნი“ ვერაფერს გახდა. "როხიბლანკო“ პრესინგს ძალიან ჭკვიანურად იყენებდა და მეტოქეს ცენტრთან ბოჭავდა, როდესაც "რეკორდმაისტერის“ ორ ცენტრალურ მცველს და დამატებით ორ ან სამ საყრდენს, "ატლეტიკოს“ ორი ფორვარდი, უკნიდან ამოწეული ორი საყრდენი და ორი აქტიური ვინგერი ხვდებოდა, შესაბამისად რიცხობრივი უპირატესობაც მარტივად იქმნებოდა. თანაც, ესპანელები სინქრონულად და კომფაქტურად მოქმედებდნენ, ამიტომ "ბაიერნის“ მოთამაშის მცირე უზუსტობაც კი ბურთის დაკარგვის ტოლფასი ხდებოდა.


სამწუხაროდ, კარლო ანჩელოტის სიმეონეს ამ იდეალური გეგმის წინააღმდეგ არანაირი იარაღი არ აღმოაჩნდა. ჯოშუა კიმიხის გამოსვლის შემდეგ, გუნდის კაპიტანი, ფილიპ ლამი, მოედნის ცენტრში ხშირად იწევდა, რათა ბურთი გონივრულად გაენაწილებინა და მარჯვენა ფლანგზე ჯოშუა მოქმედებდა. თუმცა, ამ გადაადგილებამ, ისე, როგორც მატს ჰუმელსის გამოყვანამ, რომელსაც საკუთარი ნახევრიდან გრძელი პასებით ან თამამი დრიბლინგებით უნდა წამოეწყო შეტევები, არ გაამართლა. მადრიდული კლუბის მჭიდრო დაცვის ხაზს და არანორმალურ ფიზიკურ მომზადებას არანაირი ტაქტიკური გასაღები არ მოერგო.


რა დააკლდა ბაიერნს?

სისწრაფე - მატჩის შემდეგ მიუნხენური გრანდის თავკაცმა, კარლო ანჩელოტიმ, თავად აღიარა, რომ მისი გუნდი ძალიან ნელა მოქმედებდა. ეს ეხება, როგორც ორივე ფლანგს, ისე მოედნის ცენტრს, სადაც ხაბი ალონსო და არტურო ვიდალი ძალიან მძიმედ მოქმედებდნენ. რიბერისა და ტიაგოს რამდენიმე გამონათება ჰქონდათ, მაგრამ ეს საკმარისი, რა თქმა უნდა, არ იყო. ისეთი გუნდის წინააღმდეგ, როგორიც "ატლეტიკოა“, სწრაფი გადაადგილება და გადაწყვეტილების სწრაფად მიღება - ერთ-ერთი უმნიშვნელოვანესი ფაქტორია, რომელიც "ბაიერნს“ ნამდვილად დააკლდა.


დისციპლინა - რაოდენ უცნაურადაც არ უნდა ჟღერდეს, "ბაიერნს“, მადრიდის "ატლეტიკოს“ წინააღმდეგ, დისციპლინაც დააკლდა. ანჩელოტის "ბაიერნი“ ორთაბრძოლებში უფრო აქტიურად ჩაერთვება და შესაბამისად ფეხბურთელებს უფრო მეტი ბრძოლა მოუწევთ, მაგრამ ეს მეტისმეტია. "ვისენტე კალდერონზე“ "რეკორდმაისტერის“ ოთხი მოთამაშე გააფრთხილეს და პლიუს ამას, ბოლო წუთებში, გუნდმა რამდენიმე უაზრო ჯარიმა აიკიდა, მათ შორის არტურო ვიდალმა - პენალტი. ასეთ დონეზე მსგავსი ბავშვური შეცდომები ყოველთვის არასასიამოვნო და თვალშისაცემია.


კრეატივი - მადრიდის "ატლეტიკომ“ ორივე ფლანგი იდეალურად ამოკეტა, ანჩელოტის კი სხვა იდეები უბრალოდ არ ჰქონდა. ცენტრიდან მიუნხენელებმა ვერაფერი შექმნეს. ძალიან ბევრს ცდილობდა ფრენკ რიბერი, გონებამახვილმა ტიაგომაც ერთი მშვენიერი პასი გაჭრა, მაგრამ მხოლოდ ეს იყო და ეს. ასეთ შემთხვევაში, მინდორზე მყოფი ფეხბურთელებიდან, შემოქმედის როლი ალკანტარას უნდა ეკისრა, მაგრამ ესპანელისთვის ეს არ იყო იდეალური საღამო. შესაბამისად, "ბაიერნის“ იდეებიც სრულიად გაქარწყლდა.


დუგლას კოშტა - იდეალური ტექნიკა, სისწრაფე, კარგი მოედნის ხედვა, კარგი ჩაწოდება, ძლიერი დარტყმა და არანორმალური ენერგია - ეს ის საუკეთესო თვისიბებია, რომლის წყალობითაც "ატლეტიკოს“ ნაირ გუნდს სერიოზულ პრობლემებს შეუქმნი. ანჩელოტის სკამზე ბრაზილიელი ვირტუოზი რომ ჰყოლოდა, ის "ატლეტიკოს“ უკანა ხაზს მცირე ქაოსს მაინც შესძენდა, მაგრამ კოშტა ტრავმირებული იყო. რობენის შესაძლებლობებში ეჭვი არავის ეპარება, მაგრამ მისი ფიზიკური შესაძლებლობები, უფრო ახალგაზრდა კოშტას ფიზიკურობას, ნამდვილად ჩამოუვარდება. დუგლასი "რეკორდმაისტერის“ საუკეთესო იარაღი იყო, რომლის გამოყენებაც პაპა კარლოს უბრალოდ არ შეეძლო.

პოზიტიური მომენტები

მიუხედავად იმისა, რომ ეს მხოლოდ იმედგაცრუების საღამო იყო, რამდენიმე პოზიტიური მომენტიც მივიღეთ.


პირველ რიგში, აღსანიშნავია, რომ საკმაოდ სოლიდურად გამოიყურებოდა "ბაიერნის“ მარჯვენა მცველი და კაპიტანი, დიდებულ ფილიპ ლამი, რომლის კარგი ფორმაც ძალიან მნიშვნელოვანია. მან რამდენიმეჯერ ბურთი დაკარგა, მაგრამ ერთი-ერთზე მხოლოდ ლუისს დაუთმო გზა, საულ ნიგესი კი უპრობლემოდ ამოკეტა. როგორც ჩანს, "ბაიერნის“ უნიკალური დაცვის ბურჯი კვლავ საიმედო და დამაჯერებელია.


კიდევ უფრო შესამჩნევი კიდევ ერთი "ბებერი ლომის“, ფრენკ რიბერის თამაში იყო. მიუხედავად იმისა, რომ მან განსაკუთრებული ვერაფერი შექმნა, ხუანფრანს მაინც სერიოზული პრობლემები შეუქმნა და მუდმივად ამწვავებდა. რიბერიმ შესაძლოა სისხარტე დაკარგა, მაგრამ კვლავ ძალიან ოსტატურად ფლობს ბურთს და ალაბას დახმარებით სერიოზულ საფრთხეს წარმოადგენს. თუ "ბაიერნმა“ მადრიდში რაიმე შექმნა, ყველაფერი ფრენკის დახმარებით და მონდომებით.


დაბოლოს, ძალიან კარგი გაკვეთილი, რომელიც კარლო ანჩელოტის აუცილებლად გამოადგება. იტალიელი სპეციალისტისთვის ასეთი წარუმატებელი თამაშები ძალიან კარგია, რადგან ის გუნდის სისუსტეებს დეტალურად გაანალიზებს და ეცდება, რომ პრობლემები უახლოეს პერიოდში აღმოფრქვრას. საჭიროა უფრო მეტი კრეატივი და ენერგია, რაც შესაძლოა მცირე ტაქტიკურმა გადაადგილებებმაც გამოაჩინოს. გარდა ამისა, "ბაიერნმა“ რვა თამაშში იფრინა, ახლა კი მოთამაშეები მიწაზე დაეშვებიან და ყველაფერს ნულიდან დაიწყებენ, რაც კონცენტრაციასა და მონდომებას ასი პროცენტით განაახლებს.


მოამზადა დავით მაღრაძემ, სპეციალურად Bayern.ge-სთვის
скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
moxeve)
moxeve) | 30 სექტემბერი 2016 19:09
axali ambavi kaargia :) dabrunebas gilocavt..
ნიკა
ნიკა | 30 სექტემბერი 2016 20:09
დავით იმენა შენს სტიქიქაში ხარ რა????????
bavaria912
bavaria912 | 30 სექტემბერი 2016 22:15
მომეწონა ჯარგი საიტი გამოსულა.წარმატებები mia san mia
zviad
zviad | 1 ოქტომბერი 2016 01:01
avtors davetanxmebi rom vidali da alonso nela moqmedebdnen centrshi, magram dacvis mtavari problema boatengidan modioda romelic ver tamashobs amoceul dacvas, rogorc ki humelsi shemovida boatengis nacvlad atletikos tamshidan realuri momenti agar sheuqmnia, rom ara boatengi freze tavisuflad vitamashebdit, xolo robeni da koshta rom dagvaklda da miuleri an alonso zedmeti rom iyo amas yvela vxedavt
mamuka darchia
mamuka darchia | 1 ოქტომბერი 2016 16:24
მაგარი საიტიაა საგოლ
Olga Y.neump
Olga Y.neump | 29 სექტემბერი 2017 15:31
Зрители чувствуют обман, кажется надуманым все, на сайте я видел что то схожее http://www.autoprichal.ru
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა