...

თომას მიულერის გზა - ვიდეო და ინტერვიუ

მიუნხენის "ბაიერნის" შემტევმა ნახევარმცველმა, თომას მიულერმა, გერმანული გრანდის ოფიციალურ ტელეარხთან მოკლე ინტერვიუ ჩაწერა და საინტერესო ვიდეორგოლი გადაიღო, რომელშიც მისი ბავარიული გზაა ასახული.

გთავაზობთ 28 წლის გერმანელის სრულ კომენტარს და აგრეთვე ვიდეორგოლს - თომასის გზას "ბაიერნის" აკადემიიდან გუნდის ლიდერობამდე.

ყველაზე მნიშვნელოვანი რამ ცხოვრებაში ისაა, რომ 7 წუთიანზე ხანგრძლივი ინტერვიუ არ ჩაწერო. წინააღმდეგ შემთხვევაში, ეს ინტერვიუს ფარგლებს ცდება და სხვაგან მიყავხარ - ეს არის ჩემი რჩევა.

ვფიქრობ, არ არსებობს ერთი სიბრძნე, რომელიც ყველაფერს აჯამებს, მაგრამ ამბიციის, დისციპლინისა და ფეხბურთისგან ან ზოგადად ცხოვრებისგან სიამოვნების მიღების უნარის ერთობლიობა ძალიან მნიშვნელოვანია. აგრეთვე, გუნდურ სულისკვეთებასა და ეგოიზმს შორის საჭირო ბალანსი უნდა იპოვნო. სხვა დანარჩენი კი უკვე თავისებურად ხდება.

როდესაც 10 წლის ვიყავი, მიუნხენის ახლოს გაიმართა ტურნირი, რომელსაც "მერკურის თასი" ერქვა. იქ "ბაიერნის" სკაუტი იმყოფებოდა და მე საკუთარ გუნდში ძალიან კარგად ვითამაშე. ბავშვობიდანვე "ბაიერნის" ფანი ვიყავი და არ დავნებებულვარ, მტკიცედ ვამბობდი: "დე, ჩვენ აუცილებლად უნდა წავიდეთ, ეს საჭირო მოგზაურობაა."

ამის შემდეგ, 2000 წლის 1 ივლისს მიუნხენის "ბაიერნის" ოფიციალური წევრი გავხდი. ვფიქრობდი, რომ საკმაოდ ღირსეული ვიყავი, მაგრამ როდესაც "ბაიერნში" მივედი დავინახე, რომ პლანეტაზე სხვა დიდებული მოთამაშეებიც არიან.

რა თქმა უნდა, ახალგაზრდული კარიერა ნებისმიერი პროფესიონალური კარიერის საფუძველია. აქ ყველანი ერთად მუშაობენ და უბრალოდ დიდებული პირობებია. ყველა მოთამაშე, ყველა მწვრთნელი, ყოველდღიურად იმისათვის მუშაობს, რომ თითოეული ფეხბურთელი განვითარდეს.

შენ რაღაც-რაღაცები აუცილებლად უნდა დათმო და მცირე მსხვერპლი გაიღო, მაგრამ სიამოვნება ყოველთვის უნდა მიიღო და იხალისო. პოზიტიური ენერგიის გამოყოფას უნდა მიეჩვიო და მის შემდეგ ყველაფერი შესაძლებელი იქნება.

ბევრი მთავარი მწვრთნელი მყოლია და ვცდილობდი, თითოეული მათგანისთვის დამემტკიცებინა, რომ მე ვარ მოთამაშე, რომელსაც ყოველთვის გამარჯვება სურს. მინდორზე ყოველთვის ბოლომდე ვიხარჯებოდი, ამიტომაც არასოდეს მქონია პრობლემები.

"ბაიერნის" აკადემიაში თამაში მართლაც რაღაც განსაკუთრებულია. ახალგაზრდებთან ერთად დებიუტი ჩემთვის მართლაც განსაკუთრებული მომენტი იყო. მიუხედავად მარცხისა, მე შეცვლაზე შევედი და გოლი გავიტანე, რის გამოც თავს კარგად ვგრძნობდი, ვინაიდან ახალი მთავარი მწვრთნელი ცოტათი მაინც მოვხიბლე.

ყოველწლიურად უფრო მეტი უნდა იმუშავო იმისათვის, რომ დაწინაურდე. როდესაც 16, 17 წლის ვიყავი უკვე გერმანიის ახალგაზრდულ ნაკრებშიც ვასპარეზობდი. თუმცა მაშინ ყველაფერი ჯერ კიდევ ოცნების დონეზე იყო, საჭიროა, რომ მაღალი დონის თამაში შესაფერის მომენტში, შესაფერის დღეს აჩვენო.

სადებიუტო თამაშიდან კი ბევრი არაფერი მახსოვს გარდა ჩემი დებიუტისა, ვინაიდან ეს მხოლოდ 10 წუთიანი მომენტი იყო. ეს იურგენ კლინსმანის ხელმძღვანელობით სეზონის პირველ თამაშში მოხდა. მაშინ, მოსამზადებელი ეტაპის დროს, პირველ გუნდთან ერთად ვიყავი, მაგრამ შემდეგ მეორე გუნდში დამაქვეითა.

ჩვენ უფრო დიდ სტადიონებზე, უფრო ტრადიციულ კლუბებთან ვთამაშობდით. როგორც ახალგაზრდა მოთამაშეს საკუთარი შესაძლებლობები უნდა დამემტკიცებინა. 2009 წლის მარტში პირველი გუნდის რიგებში პირველი გოლი გავიტანე. ეს ჩემპიონთა ლიგაზე ლისაბონის "სპორტინგთან" თამაშში მოხდა. ეს დიდებული მომენტი იყო.

მე ვარ მოთამაშე, რომელიც მეტოქის ბურთის ფლობის დროს ბევრს დარბის და ბურთზე ნადირობს. ფეხბურთი ყოველთვის პასებისა და სირბილის მიქსი იყო. შენ ინტელექტუალურად უნდა ირბინო, ყოველგვარი აჩქარებისა და მოუთმენლობის გარეშე და რა თქმა უნდა, ვარჯიშების დროს დაგვირგვინებაზე უნდა იმუშავო.

დღეს, როდესაც ვუყურებ აკადემიაში არსებულ სიტუაციას, მართლაც დიდ ზეწოლას ვგრძნობ, ვინაიდან ვგრძნობ, რომ ახალგაზრდა მოთამაშეებისთვის, რომელთაც პოტენციალი გააჩნიათ, რომ მაღალ დონეზე ითამაშონ, ნამდვილი მაგალითი უნდა ვიყო.

მიუნხენის "ბაიერნისთვის" კი მნიშვნელოვანია, რომ კლუბის აკადემიიდან წამოსულმა მოთამაშეებმა სახელი გაითქვან და უმაღლეს დონეზე იასპარეზონ.


скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
თომას მიულერი
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები



სატურნირო მდგომარეობა