...

პრევიუ: ვოლფსბურგი - ბაიერნი

1 კვირიანი პაუზის შემდეგ მიუნხენის "ბაიერნს" კვლავ ვიხილავთ საქმეში - ჩემპიონთა ლიგის მერვედფინალური ეტაპის წინ იუპ ჰაინკესის გუნდი ბუნდესლიგაში სტუმრად "ვოლფსბურგს" დაუპირისპირდება.

ვოლფსბურგი - ბაიერნი

ჩემპიონატი: გერმანიის ბუნდესლიგა, XXIII ტური
თარიღი: 18 თებერვალი, 18:30 საათი
სტადიონი: "ვოლფსვაგენ არენა", ვოლფსბურგი
მთავარი მსაჯი: საშა შტეგერმანი
პირდაპირი ტრანსლიაცია: -

გუნდების წინასამატჩო მდგომარეობა


"ვოლფსბურგმა" ბუნდესლიგის მეორე წრე სუსტად დაიწყო და 5 ტურში მხოლოდ 5 ქულის მოპოვება მოახერხა. "მგლები" მთელი სეზონია არასტაბილურ თამაშს აჩვენებენ და ეს არც მარტინ შმიდტის ხელმძღვანელობით შეცვლილა. გასულ უქმეებზე "ვოლფსბურგმა" სტუმრად ბრემენის "ვერდერთან" 1:3 წააგო და 24 ქულით მე-13 პოზიციამდე დაქვეითდა. მანამდე კი "მგლები" გერმანიის თასიდან "შალკესთან" მარცხის (0:1) შემდეგ გამოვარდნენ და "ბაიერნთან" მატჩს ცუდი განწყობით ხვდებიან. შმიდტს უამრავი საკადრო პრობლემა აქვს, მაგრამ მიუხედავად ამისა, "ვოლფსბურგის" შემადგენლობა მაინც საკმაოდ საინტერესოდ გამოიყურება. მათ რიგებში არაერთი გამოცდილი და კვალიფიციური მოთამაშეა: პოლ ვერჰაეგი, რობინ კნოხე, ალექსანდრ არნოლდი, იუნეს მალი და პლიუს ამას იანვარში დამატებული ადმირ მეჰმედი. "მგლები" ცუდ ფორმაში არიან, მაგრამ საკუთარ მოედანზე ერთი კარგი თამაშის ჩატარება შეუძლიათ.


მიუნხენის "ბაიერნის" ფანტასტიკური სერია კი გრძელდება - გერმანულმა გრანდმა 2018 წელს ექვსიდან 6 მატჩი მოიგო, ბოლო სამ შეხვედრაში კი 9 გოლი გაიტანა და მხოლოდ 1 გაუშვა. გასულ უქმეებზე "რეკორდმაისტერმა" საკუთარ მოედანზე "შალკე" 2:1 დაამარცხა და ახლა ეცდება, რომ "ბეშიქთაშთან" ჩემპიონთა ლიგის მნიშვნელოვანი თამაშის წინ ამაღლებული განწყობა შეინარჩუნოს. ბოლო მატჩი და ამ კვირაში გუნდის ერთი ვარჯიში იუპ ჰაინკესმა გრიპის გამო გამოტოვა, მაგრამ იუპი უკვე დაბრუნდა და დღეს მას კვლავ სამწვრთნელო სკამზე ვიხილავთ. იუპთან ერთად "რეკორდმაისტერს" ესპანელი ცენტრალური ნახევარმცველი, ტიაგო ალკანტარაც, უბრუნდება და როგორც იუპმა დაანონსა, ტიაგო ძირითად შემადგენლობაში დაიწყებს. ეს კი იმას ნიშნავს, რომ სეზონის მნიშვნელოვანი პერიოდის წინ "ბაიერნს" თითქმის სრული შემადგენლობა ჰყავს. მოსალოდნელია როტაციაც, გასულ ტურში რიბერიმ და რობენმა ითამაშეს, ახლა კი კინგსლი კომანის ჯერია.

მიუნხენური კლუბი ბუნდესლიგაში ძალიან დამაჯერებლად ლიდერობს და "ვოლფსბურგთან" მატჩშიც აშკარა ფავორიტია. თუმცა "რეკორდმაისტერს" იოლი გასეირნება არ უნდა ჰქონდეს.

სავარაუდო შემადგენლობები


ვოლფსბურგს დააკლდებიან: ბრუკსი (მუხლი), ბლაშიკოვსკი (ზურგი), კამაჩო (ტერფი), ტისერანი (ბარძაყი), დიდავი (ინფექცია), გერჰარდტი (ტერფი).

ბაიერნს დააკლდებიან: ნოიერი (ტერფი), ვიდალი (დისკვალიფიკაცია).

საინტერესო ფაქტები

  • გასულ სეზონში მიუნხენის "ბაიერნმა" "ვოლფსბურგი" სტუმრად 6:0 გაანადგურა და ეს "მგლების" ყველაზე დიდი მარცხია ბუნდესლიგის ისტორიაში.

  • თომას მიულერმა "შალკესთან" მოგების (2:1) შემდეგ ბუნდესლიგის ისტორიაში 200 გამარჯვება ყველაზე სწრაფად მოიპოვა - 275 შეხვედრაში. მას ამ პერიოდში 101 გოლი აქვს გატანილი და მაშინ, როდესაც მიულერს გააქვს, "ბაიერნი" გერმანიის ჩემპიონატში არ მარცხდება.

  • "ბაიერნის" გოლკიპერი, სვენ ულრაიხი, ბუნდესლიგაში თავის მე-200 თამაშს ჩაატარებს.

  • მიმდინარე სეზონში "რეკორდმაისტერმა" ყველა საშინაო თამაში მოიგო ერთის გარდა - "ალიანს არენაზე" ბუნდესლიგის მე-6 ტურში "ვოლფსბურგმა" 2 ბურთიანი ჩამორჩენა აღმოფქვრა და ქულა მოიპოვა - 2:2.

  • "მგლების" მთავარმა მწვრთნელმა, მარტინ შმიდტმა, "ბაიერნთან" გამართული ბოლო 4 მატჩიდან მხოლოდ ერთი წააგო. შვეიცარიელი დღეს მთავარი მწვრთნელის ამპლუაში ბუნდესლიგაში მე-100 მატჩს გამართავს.
скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
პრევიუ ბუნდესლიგა
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა