...

"ბუნდესლიგაში მოდუნება არ შეიძლება!" - ტიაგოს ინტერვიუ

მიუნხენის "ბაიერნის" ცენტრალურმა ნახევარმცველმა, ტიაგო ალკანტარამ, გერმანულ პრესასთან ინტერვიუ ჩაწერა და აღნიშნა, რომ მისმა გუნდმა ეროვნულ ჩემპიონატში მაქსიმალური კონცენტრაციით უნდა გააგრძელოს თამაში.

26 წლის ესპანელი ცენტრი "რეკორდმაისტერს" გასულ უქმეებზე, "ვოლფსბურგთან" გასვლით შეხვედრაში (2:1), დაუბრუნდა და მოედანზე დაახლოებით 1 საათი დაჰყო.

ტიაგო, გილოცავთ დაბრუნებას!
"მადლობა. რა თქმა უნდა, შედეგის გამო ბედნიერი ვარ. ხოლო ის ფაქტი, რომ საფეხბურთო მოედანზე 3 თვიანი პაუზის შემდეგ დავუბრუნდი უფრო ბედნიერს მხდის. მოედნის მიღმა საკმაოდ დიდი დროის გატარება მომიწია. თუმცა "ვოლფსბურგთან" მატჩში მოედანე გატარებულმა 60 წუთმა რწმენა დამიბრუნა."

ბოლომდე ხართ გამოჯანმრთელებული?
"საბოლოოდ, რა თქმა უნდა, არა, ვინაიდან ჯერ კიდევ რამდენიმე თამაში და ვარჯიში მჭირდება იმისათვის, რომ უმაღლესი კლასის ფეხბურთი კვლავ ვაჩვენო. ამ ეტაპზე კმაყოფილი ვარ, რომ დავბრუნდი და პირველი მატჩი ჩავატარე."

თქვენ კარგ ფორმაში იყავით, როდესაც ამ დაზიანებმა კვლავ უკან დაგხიათ. რამდენად დიდი იყო იმედგაცრუება?
"რა თქმა უნდა, ძალიან იმედგაცრუებული ვიყავი. სპორტში ყველაზე მნიშვნელოვანი სტაბილურობა და თანმიმდევრობაა. ჩემი რითმი ტრავმამდე ძალიან კარგი იყო და ხანგრძლივი პერიოდის განმავლობაში რეგულარულად ვთამაშობდი. ახლა კი მორიგი თვეების უქმედ გატარება მომიწია, მაგრამ ბარსელონაში ჩემი ფიზიოტერაპევტებისა და ფიტნეს მწვრთნელების წყალობით თავს კარგად ვგრძნობ. გარდა ამისა, მადლობა ყველას, ვინც მოედანზე ასე მალე დაბრუნებაში დამეხმარა."

რა არის თქვენი მიზანი მსოფლიო ჩემპიონატის სეზონის წინ?
"მსოფლიო ჩემპიონატი ყოველი მოთამაშის დიდი მიზანია. გეძლევა საშუალება, რომ საკუთარი ქვეყნის ღირსება დაიცვა და ამავდროულად, საკუთარი საფეხბურთო ფილოსოფიაც გამოავლინო. გამოიძახებენ თუ არა მოთამაშეს ეროვნულ გუნდში ეს სწორედ იმაზეა დამოკიდებული მიაღწია თუ არა მან მიზნებს საკუთარ კლუბთან ერთად და ჩაატარა თუ არა კარგი სეზონი. იმედი მაქვს, "ბაიერნთან" ერთად ბევრი მშვენიერი მომენტი მექნება, მაგრამ ყველაფერი ნელ-ნელა, ნაბიჯ-ნაბიჯ უნდა გავაკეთოთ. სეზონი ჯერ კიდევ ძალიან გრძელია."

ჩემპიონობა უკვე გარანტირებულია. როგორ ფიქრობთ, "ბაიერნმა" აქცენტი უფრო სხვა ტურნირებზე უნდა გააკეთოს?
"ამის უფლება საკუთარ თავს არ უნდა მივცეთ. ბუნდესლიგა ჩვენი ყოველდღიური საკვებია, რომელიც გვაძლევს საშუალებას, რომ კვირიდან კვირამდე ვიმუშავოთ, ავკრიფოთ ფორმა და სხვა ტურნირებს მომზადებულები შევხვდეთ. თუ ბუნდესლიგაზე მოვდუნდებით, ეს განწყობა ჩემპიონთა ლიგასა და თასზეც გადმოგვყვება. ეს კი არ უნდა დავუშვათ."скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ტიაგო ალკანტარა ბუნდესლიგა
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები



სატურნირო მდგომარეობა