ყველაფერი გადაწყვეტილია - როგორია ნოიერის მომავალი ბაიერნში

მიუნხენის ბაიერნის მეკარემ, მანუელ ნოიერმა საკუთარ მომავალთან დაკავშირებით გადაწყვეტილება უკვე მიიღო.

გერმანული მედიის მტკიცებით, რეკორდმაისტერის ბოსები გერმანელ მეკარესთან კონტრაქტის გახანგრძლივებას აპირებენ - 35 წლის მეკარის არსებულ კონტრაქტს ვადა 2023 წლის ზაფხულს გასდის, მიუხედავად ამისა, მხარეებმა მოლაპარაკებები უკვე დაიწყეს.

თავად ნოიერს ბაიერნში 2025 წლამდე სურს დარჩენა, ის კლუბში მომუშავე ადამიანებთან არსებული ურთიერთობით კმაყოფილია და კარიერაში არაფრის შეცვლა არ სურს.

შეგახსენებთ, მანუ ბაიერნის ღირსებას 2011 წლიდან იცავს და ამ დროის განმავლობაში კლუბის მაისურით 450 მატჩი გამართა, საიდანაც კარის მშრალად შენახვე 218 შეხვედრაში მოახერხა.