23 ნოემბერს, 21:45 საათზე, მიუნხენის ბაიერნი ჩემპიონთა ლიგის ჯგუფირი ეტაპის შეხვედრაში დინამო კიევს დაუპირისპირდება, შეხვედრა კიევის ოლიმპიურ სტადიონზე გაიმართება.
მატჩამდე ერთი დღით ადრე, ბაიერნის მთავარმა მწვრთნელმა, იულიან ნაგელსმანმა პრესკონფერენცია გამართა და ჟურნალისტების კითხვებს უპასუხა:
'ჩემპიონთა ლიგა არასდროსაა უმნიშვნელო. ჩვენ ზეწოლას არ განვიცდით ხვალინდელ მატჩში შედეგის მისაღწევად, მაგრამ ბაიერნს ყოველთვის გამარჯვება სურს.
ხვალ, შეგვიძლია აუგსბურგთან განცდილი მარცხის შემდეგ ჩვენი რეაქცია ვაჩვენოთ. სათადარიგოთა სკამზე ბევრი ვარიანტი არ გვექნება, მაგრამ მაინც მნიშვნელოვანი მატჩია და გამარჯვებას შევეცდებით.
არსებობს მკაფიო წესი - თუ მოთამაშეს შეხება ჰქონდა კოვიდ დადებით ადამიანთან, 48 საათის განმავლობაში კარანტინში ვათავსებთ, ეს მარტივია. თვითიზოლაციაში მყოფი ფეხბურთელები თავს კარგად გრძნობენ, მალე მათ ტესტირება ჩაუტარდებათ - წინასწარ პროგნოზის გაკეთება რთულია', - განაცხადა ნაგელსნამა.