"მჯერა თუ არა, რომ ბაიერნი ბარსელონას დაამარცხებს?", - ბენფიკას მწვრთნელი

დღეს, 8 დეკემბერს, ჩემპიონთა ლიგის ჯგუფური ეტაპის მე-6 ტურის მატჩში მიუნხენის ბაიერნი შინ ბარსელონას მიიღებს, პარალელურ შეხვედრაში ლისაბონში ერთმანეთს ბენფიკა და დინამო კიევი დაუპირისპირდებიან.

ცნობისთვის, კატალონიურ გუნდს ბაიერნის წინააღმდეგ გამარჯვება სჭირდება იმისთვის, რომ პლეი-ოფში გავიდეს, ან პარალელურ შეხვედრაში ბენფიკამ შინ დინამო კიევს ვერ უნდა მოუგოს.

ბაიერნი-ბარსელონას დაპირისპირებაზე მცირე კომენტარი ბენფიკას მთავარმა მწვრთნელმაც გააკეთა:

'მჯერა თუ არა, რომ ბაიერნი ბარსელონას დაამარცხებს? რა თქმა უნდა მჯერა! ბარსელონა შესანიშნავი გუნდია, მაგრამ ბაიერნი უკეთესია. 

მიუნხენშია თამაში და ვფიქრობ, ბაიერნი მოგებისთის იბრძოლებს - ისინი მოედანზე საუკეთესო ფეხბურთელებს გამოიყვანენ. ამასთან, არც ის უნდა დაგვავიწყდეს რომ ჩვენ დინამო კიევს უნდა მოვუგოთ.

ბარსელონას ჩატოვება ჩემპიონთა ლიგის ჯგუფურ ეტაპზე, ჩემს კარიერაში დიდი მიღწევა იქნებოდა, ისინი ზედიზედ 18 წელია ახერხებენ შემდეგ ეტაპზე გასვლას. ჩვენი მიზანია ბარსელონა ჯგუფში ჩავტოვოთ', - განაცხადა ხორხე ჟესუსმა.