...

ყველაზე ტიტულოვანი მწვრთნელები ბაიერნის ისტორიაში

მიუნხენის "ბაიერნის" ისტორიას ძალიან ბევრი ძლიერი და გამორჩეული სპეციალისტი ახსოვს, რომელთაც გუნდს მნიშვნელოვანი წარმატება მოუტანეს. ზოგადად, "რეკორდმაისტერი" არ გამოირჩევა მთავარი მწვრთნელებისადმი ხანგრძლივი ნდობით, ამიტომ კლუბს თავის დროზე ბევრი განსხვავებული და საინტერესო ტიპაჟი წვრთნიდა.

ახლა კი გთავაზობთ კლუბის ისტორიაში ყველაზე ტიტულოვან თავკაცებს, რომელთაც "ბაიერნის" მუზეუმის შევსებაზე იზრუნეს და ამაში საკმაოდ დიდი წვლილი შეიტანეს. ჩვენი დღევანდელი სია ექვსი სპეციალისტისგან შედგება, რომელთაც საერთო ჯამში, "რეკორდმაისტერს" 48 ტიტული მოაგებინეს, აქედან სამი ჩემპიონთა ლიგის.

პოლ ჩერნაი (1979-1983) - 4
პოლ ჩერნაი მიუნხენური გრანდის ყველაზე წარმატებული უნგრელი სპეციალისტი გახლავთ, რომელიც 80 წლის ასაკში სამი წლის წინ გარდაიცვალა. ჩერნაიმ "რეკორდმაისტერის" თავკაცის პოსტზე 1979 წლის მარტში თავისი თანამემამულე გიულა ლორანტი შეცვალა და კარიერის საუკეთესო წლები სწორედ მიუნხენურ კლუბში ჩაატარა. ჩერნაის ხელმძღვანელობით, "ბაიერნმა" ბუნდესლიგა სადებიუტო სეზონშივე მოიგო და შემდეგ ვერცხლის სინი შეინარჩუნა. მაშინ "სამხრეთის ვარსკვლავის" რიგებში პოლ ბრაიტნერი, კლაუს აუგენტალერი, კურტ ნიდერმაიერი, დიტერ ჰიონესი და შეუდარებელი კარლ-ეინც რუმენიგე ბრწყინავდნენ. 1981/82 წლების სეზონში "ბაიერნი" ევროპის ყველაზე პრესტიჟული ტურნირის, ჩემპიონთა თასის, ფინალშიც კი გავიდა, მაგრამ იქ "ასტონ ვილასთან" 0:1 დათმო. არადა, ტურნირის საუკეთესო ბომბარდირთა სამეულში ბრაიტნერი (5), რუმენიგე (6) და დიტერ ჰიონესი (7) შედიოდნენ. მომდევნო ორ სეზონში გუნდმა მხოლოდ გერმანიის თასი და სუპერთასი მოიპოვა, რასაც პოლ ჩერნაი შეეწირა. უნგრელმა "ბაიერნში" მაინც დიდ წარმატებას მიაღწია და საბოლოოდ, ოთხი ტიტულის მოგება მოახერხა.

ფელიქს მაგათი (2004-2007) - 5
გამოცდილმა გერმანელმა სპეციალისტმა მიუნხენური გრანდი ოტმარ ჰიტცფელდის უნიკალური ეპოქის შემდეგ ჩაიბარა და "ბაიერნის" ისტორიაში სამუდამოდ კვალი დატოვა. მაგათი ცნობილი თავისი დესპოტური მიდგომით გახდა, რომელმაც ვარჯიშებზე ახალი და ძალიან მკაცრი სიახლეები დანერგა. მიუხედავად იმისა, რომ ფელიქსმა "ბაიერნს" ევროარენაზე ვერანაირი წარმატება ვერ მოუტანა და რამდენიმე უაზრო ტრანსფერიც განახორციელა, გერმანიაში მიუნხენური გრანდი მიუწვდომელი იყო. "რეკორდმაისტერმა" ვერცხლის სინი და გერმანიის თასი ზედიზედ ორჯერ, ყოველგვარი პრობლემების გარეშე, საკმაოდ დიდი უპირატესობით მოიგო. ამას დაემატა გერმანიის სუპერთასიც და მაგათმა გუნდი 2007 წლის ზამთარში, არადამაკმაყოფილებელი შედეგების გამო დატოვა. ფელიქსის მოღვაწეობა "ბაიერნში" იდეალური არ ყოფილა, მაგრამ მან ზედიზედ ორი დუბლი და საერთო ჯამში, ხუთი ტიტული მოიპოვა.

პეპ გვარდიოლა (2013-2016) - 7
პეპ გვარდიოლა კიდევ ერთი არაგერმანელი სპეციალისტია, რომელიც "ბაიერნის" ისტორიის განუყოფელ ნაწილად ბოლო სამი წლის განმავლობაში იქცა. მან კატალონიის "ბარსელონაში" ოთხწლიანი ფენომენალური მუშაობის შემდეგ, ერთწლიანი შესვენება აიღო და 2013 წლის ზაფხულში საკმაოდ რთული გამოწვევა მიიღო. მან ჩაიბარა "ბაიერნი", რომელმაც აბსოლუტურად ყველაფერი მოიგო და იუპ ჰაინკესის ხელმძღვანელობით, დიდებული ფეხბურთი აჩვენა. ესპანელმა სპეციალისტმა კი ყველაფერი შეცვალა, მიუნხენური კლუბი უფრო თანამედროვედ, მრავალფეროვნად, ტაქტიკურად არაპროგნოზირებადად აათამაშა. შედეგად კი ბუნდესლიგის სამი ვერცხლის სინი, გერმანიის თასის ორი ტიტული, უეფას სუპერთასი და კლუბთა მსოფლიო ჩემპიონატი მიიღო. გვარდიოლა გახდა პირველი თავკაცი "ბაიერნის" ისტორიაში, რომელმაც გუნდს უეფას სუპერთასი მოაგებინა. ამასთან ერთად, ორჯერ დუბლი შეასრულა, მაგრამ ჩემპიონთა ლიგაზე სამივე სეზონში ნახევარფინალურ ეტაპზე შეჩერდა. იყო თუ არა გვარდიოლას მოღვაწეობა წარმატებული - ამ თემაზე კამათი დაუსრულებლად შეიძლება, მაგრამ ფაქტია, რომ პეპმა შვიდი ტიტულის მოგება მოახერხა, რაც მართლაც ფანტასტიკური მაჩვენებელია. "ბაიერნის" თავკაცის პოსტზე, პირველ სამ წელიწადში, მასზე მეტ წარმატებას მხოლოდ ერთმა სპეციალისტმა მიაღწია და მანამდეც მივალთ.

იუპ ჰაინკესი (1987-1991; 2009-2009; 2011-2013) - 8
ლეგენდარულმა გერმანელმა სპეციალისტმა მიუნხენური გრანდი, ხანგრძლივი დროით, ორჯერ ჩაიბარა და ორივეჯერ კლუბის მუზეუმი ოთხ-ოთხი თასით შეავსო. იუპმა "ბაიერნთან" ურთიერთობა 1987 წელს დაიწყო, როდესაც მთავარი მწვრთნელის პოსტზე დიდებული უდო ლატეკი შეცვალა და საკმაოდ დიდი პასუხისმგებლობა აიღო. მაშინ გერმანულ გრანდში თაობათა ცვლა მიდიოდა და ჰაინკესს ვარსკვლავური შემადგენლობა ნამდვილად არ ჰყავდა. გუნდის საუკეთესო ბომბარდირი როლანდ ვოლფარტი იყო, რომელსაც პარტნიორები მხარს უბამდნენ და "ბაიერნმა" 1988/89 და 89/90 წლების სეზონში ბუნდესლიგა ზედიზედ ორჯერ მოიგო. ამას ჰაინკესმა კიდევ ორი სუპერთასიც მიუმატა და პოსტი ოთხ წელიწადში დატოვა. ჰაინკესი გუნდს, სრულფასოვნად, 2011 წლის ზაფხულში დაუბრუნდა და ლუი ვან გაალი შეცვალა. სადებიუტო სეზონში მისმა "ბაიერნმა" სამივე ტურნირზე მეორე ადგილი დაიკავა, ჩემპიონთა ლიგის ფინალი კი საკუთარ სტადიონზე, საკუთარი ქომაგების თვალწინ, პენალტების სერიაში, წააგო. თუმცა, ჰაინკესი და მისი უნიკალური გუნდი არ გატყდა, მუშაობა ორმაგი შემართებით განაგრძო, საბოლოოდ კი, გუნდმა უნიკალურ შედეგს მიაღწია - გერმანული ფეხბურთის ისტორიაში პირველი ტრებლი. იუპმა "ბაიერნს" ბუნდესლიგა, ჩემპიონთა ლიგა და გერმანიის თასი მოაგებინა. მანამდე, სეზონის სტარტზე, მიუნხენელებმა გერმანიის სუპერთასიც მოიპოვეს და ჰაინკესმა კარიერა მაჟორულ ნოტაზე დაასრულა. "ბაიერნის" თანამედროვე გულშემატკივრებისთვის ჰაინკესი ერთ-ერთი უსაყვარლესი სპეციალისტია, რომელმაც გუნდს ისტორიული წარმატება მოუტანა.

უდო ლატეკი (1970-1975; 1983-1987) - 10
მიუნხენური გრანდის ოქროს ხანას საფუძველი სწორედ ამ გენიალურმა გერმანელმა სპეციალისტმა ჩაუყარა და "ბაიერნს" ისტორიაში პირველი ჩემპიონთა თასი მოაგებინა. მანამდე, მან ზედიზედ სამჯერ გერმანიის ეროვნული ჩემპიონატი მოიგო, გერმანიის თასიც მოიპოვა, 1974 წელს კი "ბაიერნის" ევროპის ყველაზე პრესტიჟული ტურნირის მფლობელი გახდა. სწორედ ლატეკმა შექმნა გუნდი, რომელშიც ზეპ მაიერი, პოლ ბრაიტნერი, ფრანც ბეკენბაუერი და გერდ მიულერი დიდებულად მოქმედებდნენ. ლატეკმა "რეკორდმაისტერი" 1975 წლის იანვარში დატოვა, ამიტომ ჩემპიონთა თასის კიდევ ორ ტრიუმფს ის შორიდან ეგებებოდა. თუმცა, ლეგენდარული გერმანელი სპეციალისტი დაბრუნდა და "ბაიერნი" მეორედ 1983 წლის ივლისში ჩაიბარა. ამჯერად გუნდმა ევროარენაზე წარმატებას ვერ მიაღწია, სამაგიეროდ, სამი ბუნდესლიგის ტიტული და ორი გერმანიის თასი მოიგო. ლატეკმა მიუნხენური კარიერა ზედიზედ სამი ვერცხლის სინით დაასრულა, რადგან კლუბის დიდებული თაობა წავიდა და ცვლილებები იყო საჭირო. ლატეკი "ბაიერნის" ისტორიაში ერთ-ერთი ყველაზე მნიშვნელოვანი და საკვანძო სპეციალისტია, რომელიც კლუბის პირველი დიდი საერთაშორისო წარმატებების შემოქმედია.

ოტმარ ჰიტცფელდი (1998-2004; 2007-2008) - 14
"ბაიერნის" ისტორიაში ყველაზე ტიტულოვანი მწვრთნელი კი, რაღა თქმა უნდა, ოტმარ ჰიტცფელდია. გენიალურმა გერმანელმა დიდი წარმატებები ჯერ დორტმუნდის "ბორუსიას" მოუტანა, 1998 წელს კი მიუნხენური კლუბი ჩაიბარა, რომელსაც დიდებული შემადგენლობა ჰყავდა. ჰიტცფელდმა ბუნდესლიგა პირველივე სეზონში მოიგო, მაგრამ გერმანიის თასისა და ჩემპიონთა ლიგის ფინალები დათმო. მომდევნო კამპანიაში გუნდმა უკვე დუბლი გაიფორმა, 2001 წელს კი "ბაიერნი" ევროპის უძლიერესი გუნდი გახდა. ასე მოიგო ჰიტცფელდმა ზედიზედ სამჯერ ბუნდესლიგა და გერმანიის სუპერთასი, პლიუს გერმანიის თასი, ჩემპიონთა ლიგა და საერთაშორისო თასი. გვარდიოლამ სამ სეზონში შვიდი, ხოლო ჰიტცფელდმა - ცხრა ტიტული დააგროვა. "გენერალმა" 2002/03 წლების კამპანიაში მორიგი დუბლი დადო და საკუთარი პოსტი 2004 წელს, მორიგი უტიტულო სეზონის შემდეგ დატოვა. ფელიქს მაგათის გათავისუფლების შემდეგ კი "ბაიერნს" ეს უნიკალური ადამიანი კვლავ დასჭირდა და საშველად უხმო. ჩემპიონთა ლიგის გარეშე დარჩენილმა "ბაიერნის" გულშემატკივრებმა 2007/08 წლების სეზონი სწორედ ჰიტცფელდის დიდებული მუშაობის წყალობით გადაიტანეს. გუნდმა სეზონის სტარტზე სუპერთასი, ხოლო ბოლოს ბუნდესლიგა და გერმანიის თასი მოიგო. იმავე წელს ოტმარ ჰიტცფელდის გაცილება შედგა, რომელიც ძალიან ემოციური და დრამატული გამოდგა. "გენერალმა" მიუნხენურ გრანდს 14 ტიტული მოაგებინა და ქომაგების ყველაზე პატივსაცემი, საყვარელი სპეციალისტი გახდა. მან "ბაიერნის" ისტორიის ყველაზე ფასეული და დასამახსოვრებელი ფურცლები შეავსო.
скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
giga
giga | 10 ნოემბერი 2016 00:23
ერთი მინდა ავგნიშნო ჰიონესის დაბრუნება სირცხვილია კლუბისათვის,ციხეში იყო სამარცხვინოდ მოიქცა და თავი მოჭრა გუნდს,კაცმა მილიონები იშოვა და კაპიკებს გადახდას გაექცა.მაგარი უსირცხვილო ადამიანია,რა უნდათ კარგად უძგვება გუნდს კოხნერიც და რუმენიგეც,დამიჯერეთ რა მაგარი დამწვარი კაცია მისი დაბრუნება საზიანო იქნება გუნდისათვის,ასევე მაგარ ინტრიგებში ეხვეოდა კრისტოფ დაუმის ამბები გახსოვტ ალბათ და კიდე სხვებიც.რა ვიცი ეს ჩემი სუბიექტური აზრია.
Hansi
Hansi | 10 ნოემბერი 2016 02:05
[quote=giga] :))))))) მაგრად გამაცინე. კრისტოფ დაუმის გამო ბოდიშები უხადეს ულის. იმიტომ რომ მართალს იძახდა. იცი რა მაინტერესებს? რომელ მოპარულ თანხებზე ლაპარაკობ როდესაც ეს ფული კლუბს მოახმარა?
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა