ზაფხულის სატრანსფერო ფანჯრის დახურვამდე მიუნხენურმა კლუბმა შესაძლოა რობერტ ლევანდოვსკის დუბლიორიც დაიმატოს.
"რეკორდმაისტერის" ყოფილი ცენტრალური თავდამსხმელი, მარიო მანჯუკიჩი, ტურინის "იუვენტუსს" ტოვებს და ახალი კლუბის ძიებაშია.
მანჯუკიჩით "მანჩესტერ იუნაიტედი" ინტერესდება, მაგრამ ხორვატიული პრესის ინფორმაციით, თუ მარიო ინგლისში არ გადავა, შესაძლოა მიუნხენურ კლუბს დაუბრუნდეს.
33 წლის ხორვატი ფორვარდი "ბაიერნში" ლევანდოვსკის კონკურენტი და შემცვლელი იქნება, რითიც მნიშვნელოვან პრობლემას მოაგვარებს.
მარიო მანჯუკიჩი "ბაიერნის" ღირსებას 2012-14 წლებში იცავდა და 2012/13 წლების ტრიუმფალურ სეზონში გუნდის ძირითადი ცხრიანი იყო.
მარიოს "რეკორდმაისტერის" მაისურით სულ ჩატარებულ 88 თამაშში 48 გოლი აქვს გატანილი.