ლევანდოვსკიმ ლეგენდარული გერდ მიულერის რეკორდი გაიმეორა

გერმანიის ბუნდესლიგის მე-16 ტურის შეხვედრაში მიუნხენის ბაიერნი სტუმრად შტუტგარტს დაუპირისპირდა და მეტოქე 0:5 გაანადგურა.

აღნიშნულ შეხვედრაში, ბაიერნის პოლონელმა ფორვარდმა, რობერტ ლევანდოვსკიმ თავი დუბლით გამოიჩინა, რისი წყალობითაც ლეგენდარული გერდ მიულერის რეკორდი გაიმეორა.

საქმე იმაშია, რომ ლევანდოვსკიმ ბუნდესლიგაში ერთ კალენდარულ წელიწადში 42 გოლის გატანა მოახერხა, რაც ამ დრომდე მხოლოდ გერდ მიულერს (1972) ჰქონდა დაფიქსირებული.

სამეული კი ასე გამოიყურება:

რობერტ ლევანდოვსკი - 42 გოლი (2021წ)
გერდ მიულერი - 42 გოლი (1972წ)
დიეტერ მიულერი - 39 გოლი (1977წ)

ცნობისთვის, ბაიერნს მიმდინარე წელს ბუნდესლიგაში კიდევ ერთი მატჩი აქვს ჩასატარებელი - ნაგელსმანის გუნდი 17 დეკემბერს ვოლფსბურგს დაუპირისპირდება, ლევანდოვსკის კი ექნება შანსი რეკორდსმენი გახდეს.