ნოიერის პოტენციური შემცვლელი - ბაიერნი ზაფხულში ტერ-შტეგენის ყიდვას შეეცდება

მიუნხენის ბაიერნი ზაფხულის სატრანსფერო ფანჯრისთვის, ბარსელონას გოლკიპერის, მარკ-ანდრე ტერ შტეგენის დამატების ვარიანტს განიხილავს - ინფორმაციას El Nacional-ი ავრცელებს.

წყაროს მტკიცებით, მიუნხენური კლუბი გერმანელი მეკარის ტრანსფერზე შეთავაზებას მომავალ ზაფხულს გააკეთებს. ტერ შტეგენს ბარსელონასთან კონტრაქტის ვადა 2025 წლამდე აკავშირებს.

ცნობისთვის, ბაიერნის პირველი მეკარე მანუელ ნოიერია, რომელსაც გერმანულ კლუბთან ხელშეკრულება 2023 წლის ზაფხულში ეწურება.

ტრანსფერის ალბათობას ის გარემოებაც ზრდის, რომ ბარსელონა სერიოზულ ფინანსურ კრიზისშია და ტერ შტეგენის გაყიდვით სოლიდური თანხის მიღება შეუძლია.