...

საჩემპიონო ექვსეული - ბაიერნის დომინაცია ფოტოებში


გერმანიის ჩემპიონი 2013: ბასტიან შვაინშტაიგერის ქუსლით გატანილი ლამაზი ბურთით "ბაიერნმა" ფრანკფურტში "აინტრახტი" 1:0 დაამარცხა  და ჩემპიონობა 28-ე ტურისთვის (6 აპრილი) გაიფორმა, რაც მაშინ ბუნდესლიგის რეკორდი იყო. მიუნხენელებმა სატურნირო ცხრილში დორტმუნდის "ბორუსია" 25 ქულით ჩამოიტოვეს უკან.

საფინალო სასტვენის შემდეგ კი აღნიშვნა დაიწყო - მოთამაშეებმა იუპ ჰაინკესი ჰაერში აისროლეს და მასთან ერთად 2 წლიანი პაუზის შემდეგ პირველი ვერცხლის სინის მოგება იზეიმეს. რამდენიმე კვირაში "ბაიერნმა" ჩემპიონთა ლიგისა და გერმანიის თასის მოგებაც აღნიშნა.

ერმანიის ჩემპიონი 2014: 27-ე ტურში (25 მარტი) ტონი კროოსმა, მარიო გიოტცემ და ფრანკ რიბერიმ "ბაიერნს" ბერლინში "ჰერტასთან" 3:1 მოაგებინეს. "რეკორდმაისტერმა" მთელი ეს პერიოდი დაუმარცხებლად გაიარა და საჩემპიონო ტიტულის ბედი ისტორიაში პირველად უკვე მარტში გადაწყდა.

თამაშის შემდეგ მიუნხენელებმა ბერლინის ოლიმპიური სტადიონის ირგვლივ სირბილი და ცეკვა დაიწყეს. სეზონის ბოლოს "ბაიერნმა" ბერლინში გერმანიის თასის მოგებაც აღნიშნა.

ეს პეპ გვარდიოლასთვის პირველი საჩემპიონო ტიტული იყო. საბოლოო ჯამში, "ბაიერნმა" დორტმუნდის "ბორუსიას" 19 ქულით გაასწრო.

გერმანიის ჩემპიონი 2015: 30-ე ტურში (25 აპრილი) მიუნხენის "ბაიერნმა" საკუთარ მოედანზე ბერლინის "ჰერტა" 1:0 დაამარცხა. ბასტიან შვაინშტაიგერმა "რეკორდმაისტერის" მაისურით თავისი ბოლი გოლი გაიტანა, ხოლო ტურის ბოლოს გაირკვა, რომ გვარდიოლას გუნდმა ვერცხლის სინი შეინარჩუნა.

2014/15 წლების სეზონში "ბაიერნმა" ტიტული მდივანზე გაიფორმა, როდესაც "ვოლფსბურგი" გლადბახში დამარცხდა. მიუნხენელებმა ბუნდესლიგა ზედიზედ მესამედ მოიგეს.

გერმანიის ჩემპიონი 2016: რობერტ ლევანდოვსკის დუბლით "ბაიერნმა" სტუმრად "ინგოლშტადთან" ბავარიული დერბი 2:1 მოიგო და ბოლოსწინა ტურში (7 მაისი) საჩემპიონო ტიტული გაიფორმა.

დღის ბოლოს მიუნხენელებმა ისტორიული წარმატება აღნიშნეს - "ბაიერნი" გახდა პირველი კლუბი, რომელმაც გერმანიის ბუნდესლიგა ზედიზედ ოთხჯერ მოიგო და დორტმუნდის "ბორუსიას" 10 ქულით აჯობა.

თავისი მესამე ჩემპიონობის შემდეგ პეპ გვარდიოლამ კაპიტან ფილიპ ლამს მადლობა გადაუხადა. სეზონის ბოლოს ესპანელი "რეკორდმაისტერს" გერმანიის თასის ტიტულით დაემშვიდობა.

გერმანიის ჩემპიონი 2017: დავიდ ალაბამ "ბაიერნის" დიდებული გამარვება ვოლფსბურგში ლამაზი საჯარიმო დარტყმით დაამშვენა - 6:0. 31-ე ტურის (29 აპრილი) შემდეგ მიუნხენურ გრანდს ტიტულს ვეღარავინ წაართმევდა.

ზედიზედ მე-5 ვერცხლის სინი "ბაიერნს" კარლო ანჩელოტიმ მოაგებინა. საბოლოოდ, მიუნხენურმა კლუბმა ვიცე-ჩემპიონ "ლაიფციგს" 15 ქულით გაასწრო.

ეს ფილიპ ლამისთვის კარიერაში ბოლო ტიტული აღმოჩნდა - ლეგენდარული გერმანელი 8 ვერცხლის სინით ყველა დროის რეკორდსმენებს (ოლივერ კანს, მეჰმეტ შოლსა და ბასტიან შვაინშტაიგერს) გაუთანაბრდა.

გერმანიის ჩემპიონი 2018: 29-ე ტურში "ბაიერნმა" აუგსბურგში ბავარიული დერბი 4:1 მოიგო და ზედიზედ მეექვსე საჩემპიონო ტიტული გაინაღდა.

ფრანკ რიბერისთვის ეს მე-8 ჩემპიონობაა და ლეგენდარული ფრანგი ზემოთხსენებულ რეკორდსმენებს (ოლივერ კანს, მეჰმეტ შოლს, ბასტიან შვაინშტაიგერსა და ფილიპ ლამს) შეუერთდა.

დაბოლოს, ამ წარმატების მთავარი შემოქმედი - იუპ ჰაინკესი. 72 წლის ლეგენდარული "ბაიერნისთვის" დაბრუნდა და ვერცხლის სინი უკვე მოიგო - მადლობა იუპ!скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ბუნდესლიგა
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა