...

პრევიუ: ბაიერნი - მ.ბორუსია

ჩემპიონთა ლიგის 1/2 ფინალური ეტაპის საგზურის გაფორმების შემდეგ მიუნხენის "ბაიერნი" გერმანიის ეროვნულ ჩემპიონატში თავის მორიგ შეხვედრას ჩაატარებს და შინ მიუნხენგლადბახის "ბორუსიას" დაუპირისპირდება.

ბაიერნი - მიუნხენგლადბახის ბორუსია

ჩემპიონატი: გერმანიის ბუნდესლიგა, 30-ე ტური
თარიღი: 14 აპრილი, 20:30 საათი
სტადიონი: "ალიანს არენა", მიუნხენი
მთავარი მსაჯი: რობერტ კამპკა
პირდაპირი ტრანსლიაცია: -

გუნდების წინასამატჩო მდგომარეობა


მიუნხენის "ბაიერნმა" ჩემპიონთა ლიგის საპასუხო 1/4 ფინალურ თამაშში შინ "სევილიასთან" არც ისე კარგად იასპარეზა და უგოლო ფრეს დასჯერდა, მაგრამ ეს მომდევნო ეტაპზე გასასვლელად საკმარისი იყო. ახლა კი გერმანული გრანდი მადრიდის "რეალთან" სეზონის მთავარი თამაშებისთვის იწყებს მზადებას და "მ.ბორუსიასთან" დაპირისპირება მშვენიერი ტესტი იქნება. იუპ ჰაინკესის გუნდმა ჩემპიონობა წინა ტურში გაიფორმა და ეს პირველი მატჩი იქნება 2018 წლის ჩემპიონების რანგში. "სევილიასთან" მიუნხენელებმა მძიმე ბრძოლა გადაიტანეს და ძლიერ დარტყმებს გაუძლეს, ამიტომ მოსალოდნელია, რომ იუპ ჰაინკესი როტაციას მიმართავს. დასვენების საშუალება აუცილებლად ექნებათ ხავი მარტინესსა და რობერტ ლევანდოვსკის, რომელსაც ალბათ ყველაზე მეტი მოხვდა. გარდა ამისა, თადარიგში დარჩებიან კიმიხი, ჰუმელსი, ხამესი და ტიაგოც. საბედნიეროდ, გუნდს დავიდ ალაბა და არტურო ვიდალი დაუბრუნდნენ.


მიუნხენგლადბახის "ბორუსიამ" წინა ტურში 4 მატჩიანი მოუგებელი სერია შეწყვიტა და ბერლინის "ჰერტა" შინ 2:1 თორგან აზარის დუბლით დაამარცხა. დიტერ ჰეკინგის გუნდი ოპტიმალურ ფორმაში ნამდვილად არ არის და 40 ქულით მე-8 პოზიციას იკავებს. "მ.ბორუსია" ჩემპიონთა ლიგაზე დიდი ალბათობით ვეღარ მოხვდება, მაგრამ საკმაოდ სიმპათიური, ახალგაზრდული და შემტევი გუნდი ჰყავს, რომელიც ძალიან სწრაფად თამაშობს. ბოლო პერიოდში კარგი ფორმა აკრიფა ბელგიელმა ვინგერმა, თორგან აზარმა, ხოლო მთავარი დანაკლისი გუნდის კაპიტნისა და თავდამსხმელის, ლარს შტინდლის, არყოფნაა.

"მ.ბორუსია" იყო პირველი გუნდი, რომელმაც იუპ ჰაინკესის "ბაიერნი" დაამარცხა და ახლა იგივეს გაკეთებას ეცდება. თუმცა მიუნხენელები მხოლოდ გამარჯვებისთვის იბრძოლებენ.

სავარაუდო შემადგენლობები

ბაიერნი: ულრაიხი - რაფინია, ზიულე, ბოატენგი, ალაბა - ტოლისო, რუდი - რობენი, მიულერი, რიბერი - ვაგნერი.

მატჩს გამოტოვებენ: ნოიერი (ტერფი), კომანი (ტერფი).

მ.ბორუსია: ზომერი - ელვედი, გინტერი, ვესტერგორი, ვენდტი - კრამერი, ზაქარია - აზარი, კუისანკე, გრიფო - რაფაელი.

მატჩს გამოტოვებენ: დუკურე (ბარძაყი), შტინდლი (დისკვალიფიკაცია), ვილალბა (ბარძაყი), ჰერმანი (ტერფი).

საინტერესო ფაქტები
  • იუპ ჰაინკესი მშობლიურ კლუბს უპირისპირდება, რომელშიც 12 წელი გაატარა და 4 ბუნდესლიგის ტიტული მოიგო. ის მიუნხენგლადბახის "ბორუსიას" ყველა დროის საუკეთესო ბომბარდირია 288 გოლით.
  • იუპი დღეს რეკოდსმენი გახდება - ჰაინკესისთვის დღევანდელი მატჩი მოთამაშისა და მთავარი მწვრთნელის რანგში ბუნდესლიგაში 1044-ე იქნება, რაც აბსოლუტური რეკორდია.

  • "მ.ბორუსიას" ცენტრალურმა მცველმა, მატიას გინტერმა, ბუნდესლიგის მიმდინარე სეზონში 5 გოლი გაიტანა და მცველებს შორის მხოლოდ ნალდოს (6) ჩამორჩება.

  • სტუმართა რიგებში ყველაზე სახიფათო მოთამაშე თორგან აზარია, რომელმაც ამ სეზონში 9 გოლი გაიტანა და 4 საგოლე პასი გააკეთა.

  • ამ გუნდების ბოლო 5 დაპირისპირებიდან 2 "ბაიერნმა" მოიგო, 2 "ბორუსიამ" და 1 მატჩი ფრედ დასრულდა.
скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
პრევიუ ბუნდესლიგა
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები



სატურნირო მდგომარეობა