ლორენცო ინსინიე ბაიერნში? - ახალი ცნობები იტალიიდან

მიუნხენის ბაიერნი იტალიის ნაკრების და ნაპოლის შემტევის, ლორენცო ინსინიეს ტრანსფერით დაინტერესდა - ინფორმაციას La Gazzeta dello Sport ავრცელებს.

წყაროს მტკიცებით, ბავარიულმა კლუბმა ნაპოლის წინადადებით უკვე მიმართა. იტალიურ კლუბს ფეხბურთელის შენარჩუნება სურს, თუმცა ინსინიეს ხელფასის დაკლებას სთხოვენ, თავად ფეხბურთელის სურვილიც დარჩენაა, თუმცა პირიქით, ხელფასის მომატებას ითხოვს.

ლორენცოს ინსინიეს და ნაპოლის შორის არსებულ ხელშეკრულებას ვადა 2022 წლის ზაფხულში ეწურება და არაა გამორიცხული, იტალიელი ფეხბურთელი ბაიერნში თავისუფალი აგენტის სტატუსით გადმობარგდეს - ამასთან, ბაიერნი ფეხბურთელის ზამთრის სატრანსფერო ფანჯრისას შეძენასაც განიხილავს, თუ სატრანსფერო ღირებულება მისაღები იქნება.

ცნობისთვის, ინსინიემ სერია ა-ს მიმდინარე სეზონში 15 მატჩში მიიღო მონაწილეობა, სადაც თავი 4 გოლითა და 5 საგოლე გადაცემით გამოიჩინა.