ტრანსფერები | რომელი 3 კლუბი ცდილობს კომანის გადაბირებას?

მიუნხენი და გუნდის ფრანგი გარემარბი, კინგსლი კომანი ამ დრომდე აგრძელებენ კოტნრაქტის გახანგრძლივებაზე მოლაპარაკებებს და როგორც გერმანული მედიის დიდი ნაწილი ირწმუნება, ყველაფერი საბოლოო შეთანხმებამდე მიდის - კომანი დიდი ალბათობით ბაიერნში დარჩება.

თუმცა, თუ მხარეები საბოლოო შეთანხმებას ვერ მიაღწევენ, გთავაზობთ იმ გუნდების ჩამონათვალს, რომლებიც მზად არიან კომანს ყველანაირი ფინანსური მოთხოვნა დაუკმაყოფილონ და ტრანსფერი 'გაჩარხონ'.

მაშ ასე, 25 წლის ფეხბურთელით ლონდონის ჩელსი, მანჩესტერ სიტი და პსჟ დაინტერესდნენ, თუმცა საფრანგეთში დაბრუნება როგორც იწერება, კომანისთვის პრიორიტეტს არ წამოარადგენს.

ცნობისთვის, კომანი ბაიერნისგან ახალი კონტრაქტის შემთხვევაში ყოველწლიურად ანაზღაურების სახით 20 მილიონ ევროს ითხოვს.

ფრანგმა გარემარბმა მიმდინარე სეზონში 17 შეხვედრაში მოირგო ბაიერნის მაისური და თავის გამოჩენა 5 გოლით და 2 საგოლე გადაცემით მოახერხა.