ოფიციალურად: 2021 წლის საუკეთესო გერმანელი ფეხბურთელი გამოვლინდა

გერმანიაში 2021 წლის საუკეთესო გერმანელი ფეხბურთელის ვინაობა გახდა ცნობილი. 

ხმის მიცემა გერმანელი ფეხბურთის ფედერაციის გვერდზე მიმდინარეობდა, ხოლო გულშემატკივართა უმრავლესობამ საუკეთესოდ მიუნხენის "ბაიერნის" ნახევარმცველი, იოზუა კიმიხი, დაასახელა.

კიმიხმა ხმათა უმრავლესობა, 33,8% მოაგროვა, მე-2 ადგილზე კი ლონდონის "ჩელსის" ნახევარმცველი კაი ჰავერცი გავიდა - 22,7%-ით, მე-3-ზე კი "ბაიერნის" კიდევ ერთი ფეხბურთელი ლეროი სანეა 13,6%-ით. 

შეგახსენებთ, გასულ წელს გერმანიაში წლის საუკეთესო ფეხბურთელად "ბაიერნისა" და გერმანიის ნაკრებიის მეკარე მანუელ ნოიერი დასახელდა.