"ჯერჯერობით გადაწყვეტილი არაფერია", - ნოიერი ბაიერნთან სამომავლო კონტრაქტზე

გერმანულ მედიაში აქამდე იწერებოდა, რომ ბაიერნსა და გუნდის მთავარ მეკარეს, მანუელ ნოიერს შორის ახალ კონტრაქტზე შეთანხმება მიღწეული იყო და მხოლოდ ფორმალური მხარეღა რჩებოდა, თუმცა ნოიერმა განაცხადა, რომ ბოლომდე დადასტურებული არაფერია, როგორც ჩანს მხარეები გარკვეულ დეტალებს კვლავ გადიან:

'ჯერ-ჯერობით დადასტურებული არაფერია. ბაიერნი გამორჩეული კლუბია, აქ ჩემი ასპარეზობის დროს ისტორია შევქმენით და ვცდილობთ ასე გავაგრძელოთ.

ცხადია, სამომავლოდ მსურს ამ პროცესის ნაწილი მეც ვიყო', - განაცხადა 35 წლის მეკარემ.

ცნობისთვის, ნოიერმა მიმდინარე სეზონში ბაიერნის მაისურით 25 მატჩი ჩაატარა, ამდენივე გოლი გაუშვა და კარის მშრალად შენახვა 10-ჯერ მოახერხა.