გერმანიის ბუნდესლიგის გასული ტურის შეხვედრაში, სადაც მიუნხენის ბაიერნი ჰერტას ესტუმრა და მეტოქე 1:4 დაამარცხა, გულშემატკივართა დიდი ყურადღება სერჟ გნაბრის შავად შეღებილმა ფრჩხილმა მიიპყრო.
როგორც მოგვიანებით გაირკვა, ეს სულაც არ ყოფილა 'მოდის ხრიკი', გნაბრის შავად შეღებილი ფრჩხილი მნიშვნელოვანი სიმბოლო და გზავნილია მსოფლიოსთვის.
შეღებილი ფრჩხილი წარმოადგენს იმ ფაქტს, რომ მსოფლიოში საშუალოდ ყოველი მეხუთე ბავშვი 18 წლამდე ხდება ფიზიკური ან სექსუალური ძალადობის მსხვერპლი.
შემოწირულობებით ორგანიზაციას სურს დაეხმაროს ძალადობის ქვეშ მყოფ ბავშვებს ტრავმის გამკლავებაში და გრძელვადიან პერსპექტივაში ძალადობის წინააღმდეგ ბრძოლაში.
შავად შეღებილი ფრჩხილი ორგანიზაცია 'YGAP'-ის ერთ-ერთი კამპანიის სიმბოლოა.