მიუნხენის ბაიერნის თავდამსხმელი, ტომას მიულერი პრემიერ ლიგის ორი კლუბის სამიზენა - ინფორმაციას Bild-ის ჟურნალისტი კრისტიან ფოლკი ავრცელებს.
მისივე ინფორმაციით, 32 წლის თავდამსხმელის მიმართ ინტერესს ევერტონი და ნიუკასლი იჩენენ.
გერმანელი მოთამაშის ბაიერნთან არსებულ კონტრაქტს ვადა 2023 წლის ზაფხულში ეწურება - ადგილობრივი მედიის მტკიცებით, მიულერი კონტრაქტის გასაგრძელებლად მზადაა.
ბაიერნის პოზიცია კი ამ დრომდე უცნობია, ზოგიერთი წყაროს მტკიცებით, რეკორდმაისტერი მიულერთან კონტრაქტის გახანგრძლივებას მისი ასაკის გამო არ ჩქარობს.
ცნობისთვის, ტომას მიულერმა ბაიერნის მაისურით 610 შეხვედრა გამართა, სადაც თავის გამოჩენა 223 გოლითა და 238 საგოლე გადაცემით მოახერხა.