...

კიოლნი 1:3 ბაიერნი - მატჩისშემდგომი კომენტარები

გერმანიის ეროვნული ჩემპიონატის 33-ე ტურში მიუნხენის "ბაიერნმა" სტუმრად "კიოლნი" 3:1 დაამარცხა.

მატჩისშემდგომ გამართულ პრესკონფერენიაზე იუპ ჰაინკესმა, მატს ჰუმელსმა და იოზუა კიმიხმა უპასუხეს ჟურნალისტების შეკითხვებს.

იუპ ჰაინკესი: "სამშაბათს გამართული ინტენსიური მატჩის შემდეგ ბუნდესლიგაზე გადმორთვა იოლი არ იყო. "კიოლნმა" კარგი სამუშაო შეასრულა და ცხოვრება გაგვირთულა. მეორე ტაიმში სრულიად განსხვავებული თამაში ვაჩვენეთ. ჩვენ ვდომინირებდით, საგოლე მომენტებს ვქმნიდით და გოლებიც გავიტანეთ. ამ მატჩის მოგება და ჩვენი სერიის გაგრძელება მნიშვნელოვანი იყო. ჩვენ მნიშვნელოვანი მიზანი კვლავ გვაქვს - თასის ფინალი!".

მატს ჰუმელსი: "ვფიქრობ, სამშაბათის მატჩის შემდეგ ჯერ კიდევ მცირე შოკში ვიყავით და გონს მოსვლა მართლაც არ იყო მარტივი. ვიბრძოლეთ და ვცადეთ, რომ მალე შევსულიყავით თამაშში, მაგრამ რამდენიმე ძლიერი კონტრშეტევა გაგვეპარა. მეორე ტაიმში გაცილებით უკეთ ვიმუშავეთ და ქამბექი დავიმსახურეთ".

იოზუა კიმიხი: "პირველ ტაიმში, რა თქმა უნდა, მოლოდინი ვერ გავამართლეთ. როგორც ხედავთ, ჩვენ მანქანა არ ვართ. ჩვენს ფიზიკურ მდგომარეობაზე ჩანდა, რომ სამშაბათს რთული ბრძოლა გადავიტანეთ, ხოლო მენტალურად საერთოდ განადგურებულები ვიყავით. ამას სამ-ოთხ დღეში ვერ დაივიწყებ. მეორე ტაიმში უკეთესი სამუშაო შევასრულეთ".

შტეფან რუთენბეკი ("კიოლნის" მწვრთნელი): "დავინახეთ, რომ ჩემმა გუნდმა დასაწყისში კარგად იასპარეზა. დაცვაში ძლიერად გამოვიყურებოდით, მეტოქეს მაღლა ვავიწროვებდით და ბურთიც გვეჭირა. შესაძლოა სასაცილოდ ჟღერდეს, მაგრამ პირველ ტაიმში უფრო დიდი ანგარიშით უნდა მოგვეგო. "ბაიერნი" მეორე ნახევარში უბრალოდ შეუჩერებელი იყო. მათ არანორმალური ზეწოლა განახორციელეს და უამრავი ჩაწოდება გააკეთეს. ისინი საჯარიმოსთან დაუნდობლები არიან!".

ტიმო ჰორნი ("კიოლნის" მეკარე): "სუპერ-სტარტი ავიღეთ. ამ დიდი კლუბის წინააღმდეგ უფრო მეტიც კი შეგვეძლო. როდესაც "ბაიერნი" ასე იდეალურად თამაშობს პასებს, მაშინ ზონებს ყოველთვის იპოვნის. თუმცა ფანებმა დაინახეს, რომ ჩვენ არასოდეს ვნებდებით".скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები



სატურნირო მდგომარეობა