მიუნხენის ბაიერნის გერმანელმა თავდამსხმელმა, ტომას მიულერმა მესისთან (ასისტების მხრივ) შედარებაზე ისაუბრა:
'თუ ასისტების სტატისტიკას გადავხედავთ, ეს ამ მომენტში მართლაც ასეა, მაგრამ თუ ბოლო სამი წლის სტატისტიკას შევხედავთ, მესის ვუსწრებ კიდეც.
ცხადია, მსოფლიოს საუკეთესო ფეხბურთელთან კონკურენცია დიდ მოტივაციას მაძლევს. ამას 2010 წლიდან ვაკეთებ, მაგრამ მესისთან პირდაპირ შედარებას აზრი არ აქვს', - განაცხადა მიულერმა.
ცნობისთვის, 32 წლის გერმანელმა მიმდინარე სეზონში ბაიერნის მაისური 29 შეხვედრაში მოირგო, თავის გამოჩენა კი 9 გოლითა და 20 საგოლე გადაცემით მოახერხა.