...

ბაიერნი 1:4 შტუტგარტი - მატჩისშემდგომი კომენტარები

გერმანიის ეროვნული ჩემპიონატი "ბაიერნმა" არც ისე კარგად დაასრულა - "შტუტგარტთან" საშინაო მარცხი 1:4, მაგრამ დღის ბოლოს გუნდმა ბუნდესლიგის ტიტული ჩაიბარა.

შეხვედრის შემდეგ კი "ალიანს არენაზე" პრესკონფერენცია გაიმართა, რომელზეც საკუთარი აზრი იუპ ჰაინკესმა, სვენ ულრაიხმა, თომას მიულერმა და ნიკლას ზიულემ დააფიქსირეს.

იუპ ჰაინკესი: "ვულოცავ "შტუტგარტს"! მათ მაღალი დონის მატჩი ჩაატარეს ძალიან სახიფათო კონტრშეტევებით და დამსახურებული გამარჯვება მოიპოვეს. "შტუტგარტი" ძალიან ორგანიზებულად მოქმედებდა, ისინი დაცვაში ძალიან კარგები იყვნენ. 1:1-ზე სამი მშვენიერი შანსი გვქონდა, მაგრამ მათი გამოყენება არ გამოგვივიდა. როდესაც ძლიერი დაცვის წინააღმდეგ თამაშობ შანსები უნდა გამოიყენო, რადგან მეტოქე ტაქტიკის შეცვლას მოასწრებს. ახლა ეს მარცხი უნდა მივიღოთ და დავიწყოთ მზადება გერმანიის თასის ფინალისთვის. ჩვენ ბერლინში სრულიად განსხვავებულ "ბაიერნს" ვიხილავთ".

თომას მიულერი: "არავის გამოუვლენია მენტალიტეტი, რომელმაც ზედიზედ მე-6 საჩემპიონო ტიტულამდე მიგვიყვანა. ეს ცოტათი საწყენია".

სვენ ულრაიხი: "ვერცხლის სინის მოპოვება დიდებული შეგრძნებაა. ჩვენ ბევრი ვიმუშავეთ და მიხარია, რომ ამ ყველაფრის ნაწილი ვარ. დღეს წაგება კი საწყენია. ჩვენ კარგი თამაშის ჩვენება გვინდოდა, განსაკუთრებით მწვრთნელის გამო. ახლა კი მომხდარი უნდა გავაანალიზოთ და 1 კვირაში უკეთ ვითამაშოთ".

ნიკლას ზიულე: "მიუხედავად ამაზრზენი მატჩისა, მათ შორის ჩემი, მაინც კარგი დღე იყო. პირველი საჩემპიონო ტიტული რაღაც განსაკუთრებულია. ჩვენ რამდენიმე კარგი პერიოდი გვქონდა და შესვენებამდე 20 წუთით ადრე ვდომინირებდით. შანსები გვქონდა, მაგრამ შემდეგ მათ გაიტანეს მეორე გოლი. ეს უცნაური მატჩი იყო".

ტაიფუნ ქორქუთი ("შტუტგარტის" მწვრთნელი): "ჩვენ მიუნხენის "ბაიერნს" სეზონის, საჩემპიონო ტიტულის, გამო უნდა მოვულოცოთ. დღეს ძალიან კარგად ორგანიზებული "შტუტგარტი" ვიხილეთ. ჩვენ მეტოქის შევიწროვება გვინდოდა და შანსების მხრივ ძალიან ეფექტურები ვიყავით. სწორედ ასე თუ მიაღწევ ასეთ შედეგებს".

ჰოლგერ ბადშტუბერი ("შტუტგარტის" მცველი): "ეს გასაოცარია, ჩვენ სუპერ-თამაში ჩავატარეთ! ეს მაღალი კლასის ასპარეზობა იყო, რაც ძალიან, ძალიან მშვენიერია".скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა