მანუელ ნოიერის კომენტარი ზულეს ბაიერნიდან წასვლის თაობაზე

როგორც უკვე მოგახსენთ, მიუნხენის ბაიერნის გერმანელმა მცველმა, ნიკლას ზულემ საკუთარ მომავალთან დაკავშირებით საბოლოო გადაწყვეტილება მიიღო და მომდევნო ზაფხულს გუნდის თავისუფალი აგენტსის სტატუსით დატოვება გადაწყვიტა.

ზულეს აღნიშნულ გადაწყვეტილებაზე მანუელ ნოიერმა ისაუბრა:

'თითოეული ჩვენთაგანისთვის გულდასაწყვეტია, რომ ნიკლასი მიდის. ჩვენ ის ძალიან მოგვენატრება. ზულე ბაიერნში ჰოფენჰაიმიდან მოვიდა და სანამ ფორმის პიკს მიაღწევდა, მანამ ხანგრძლივი და რთული გზა გაიარა. მან წლების განმავლობაში მაღალ დონეზე ითამაშა', - განაცხადა ნოიერმა.