როგორც უკვე მოგახსენეთ, სერჟ გნაბრი და ბაიერნი ახალ კონტრაქტზე შეთანხმებას ამ დრომდე ხელფასის გამო ვერ ახერხებენ, მოქმედ ხელშეკრულებას კი ვადა 2023 წლის ზაფხულში გასდის.
გერმანული მედიის თანახმად, გნაბრის ხელფასის მომატება და ყოველწლიურად იმდენივეს მიღება სურს, რამდენსაც თანაგუნდელები ლეროი სანე და კინგსლი კომანი იღებენ.
ამ ეტაპისთვის, ბაიერნი არ არის მზად გნაბრის ამდენი გადაუხადოს, თუმცა რეკორდმაისტერის ხელმძღვანელობა დარწმუნებულია, რომ გერმანელ ვინგერს ალიანს არენაზე დარჩენა სურს, ამიტომაც იმედოვნებენ, რომ საბოლოო შეთანხმება მაინც შედგება.
მეორეს მხრივ, გნაბრი მსურველების ნაკლებობას არ განიცდის - მისი დამატებით ისეთი ტოპ კლუბები არიან დაინტერესებულნი, როგორებიცაა: რეალ მადრიდი, ბარსელონა, მანჩესტერ იუნაიტედი და ლივერპული.
ცნობისთვის, 26 წლის შემტევმა მიმდინარე სეზონში ბაიერნის მაისური 28 შეხვედრაში მორგიო, სადაც თავის გამოჩენა 12 გოლითა და 7 საგოლე გადაცემით მოახერხა.