ბაიერნი - აინტრახტი: გზა ბერლინამდე » მიუნხენის "ბაიერნის" ფან-კლუბი
...

ბაიერნი - აინტრახტი: გზა ბერლინამდე

ხვალ საღამოს გერმანიაში 2017/18 წლების საკლუბო საფეხბურთო სეზონი ოფიციალურად დასრულდება - ბერლინის ოლიმპიურ სტადიონზე გერმანიის თასის ფინალური მატჩი გაიმართება.

გერმანიის თასის ყველა დროის ყველაზე ტიტულოვანი კლუბი მიუნხენის "ბაიერნი" ფინალში 22-ჯერ იასპარეზებს და ეცდება, რომ ბერლინში თავისი მე-19 ტიტული მოიპოვოს.

მიუნხენელები ფინალში მომავალი მთავარი მწვრთნელის, ნიკო კოვაჩის, ფრანკფურტის "აინტრახტს" შეხვდებიან. "აინტრახტი" თასის ფინალში ზედიზედ მეორედ გავიდა, მაგრამ ტურნირი ბოლოს 1988 წელს მოიგო.

ახლა კი გადავხედოთ გუნდების მიერ განვლილ გზას ფინალამდე და გავიხსენოთ როგორ მივიდა მიუნხენის "ბაიერნი" გერმანიის თასის გადამწყვეტ შეხვედრამდე.

ბაიერნის სტატისტიკა: 5 მოგება, 20 გატანილი გოლი, 4 გაშვებული გოლი

პირველი წრე: ჩემნიტცერი 0:5 ბაიერნი


ჯერ კიდევ კარლო ანჩელოტის მუშაობის პერიოდში გერმანიის ჩემპიონებმა მესამე დივიზიონის პატარა კლუბი გაანადგურეს. 15 015 მაურებელმა ჩემნიტცში "ბაიერნის" მშვენიერი თამაში იხილა. რობერტ ლევანდოვსკიმ დუბლი გაიფორმა, კინგსლი კომანმა, ფრანკ რიბერიმ და მატს ჰუმელსმა კი თითო ბურთი გაიტანეს.

მეორე წრე: ლაიფციგი 1:1 (4:5 პენალტებში) ბაიერნი


ეს იუპ ჰაინკესის პირველი სერიოზული ბრძოლა იყო დაბრუნების შემდეგ. "ბაიერნმა" ლაიფციგში საკმაოდ რთული მატჩი გამოაირა - ემილ ფორსბერგის 68-ე წუთზე პენალტით გატანილ ბურთს 5 წუთში ტიაგომ უპასუხა. დამატებით დროში გოლები აღარ გასულა, ამიტომ "რედ ბულ არენაზე" პენალტების სერია დაინიშნა. "რეკორდმაისტერმა" ყველა თერთმეტმეტრიანი გამოიყენა, ხოლო "ხარების" მე-5 პენალტი ტიმო ვერნერს სვენ ულრაიხმა აუღო და "ბაიერნი" მომდევნო ეტაპზე გაიყვანა.

1/16 ფინალური ეტაპი: ბაიერნი 2:1 დორტმუნდის ბორუსია


შობამდე რამდენიმე დღით ადრე მიუნხენელებმა გერმანიის თასზე "ლაიფციგის" შემდეგ კიდევ ერთი კონკურენტი ჩამოიცილეს - დორტმუნდის "ბორუსია". იუპ ჰაინკესის გუნდმა ფენომენალური პირველი ტაიმი ჩაატარა, რომელიც ჟერომ ბოატენგისა და თომას მიულერის გოლებით მოიგო. მატჩის მიწურულს, 77-ე წუთზე, ანდრეი იარმოლენკომ ერთი ბურთი გაქვითა, მაგრამ "რეკორდმაისტერმა" 2:1 იმარჯვა და მეოთხედფინალისთვის უკვე ორი მთავარი მოწინააღმდეგე ჰყავდა დამარცხებული.

მეოთხედფინალი: პადერბორნი 0:6 ბაიერნი


ორი დიდი ბრძოლის შემდეგ "ბაიერნმა" მეოთხედფინალურ ეტაპზე იოლი გასეირნება მოიწყო - მიუხედავად "პადერბორნის" აქტიური სტარტისა, "რეკორდმაისტერმა" მეტოქე მალევე გატეხა. კინგსლი კომანმა მე-19 წუთზე ანგარიში გახსნა, შემდეგ კი მარტივად წავიდა - რობერტ ლევანდოვსკი, იოზუა კიმიხი, კორენტენ ტოლისო და ბოლოს არიენ რობენის დუბლი. მიუნხენელებმა პადერბორნში 6 ბურთი გაიტანეს და ადგილობრივი პუბლიკა ნასიამოვნები დატოვეს

ნახევარფინალი: ბაიერი 2:6 ბაიერნი


მორიგი 6 ბურთა დღესასწაული - მიუნხენელებმა ამჯერად ლევერკუზენში დადგეს სპექტაკლი და ლევერკუზენის "ბაიერი" ბერლინამდე ერთი ნაბიჯით ადრე ჩამოიცილეს გზიდან. ლევანდოვსკიმ "ბაი არენაზე" 9 წუთში გაიფორმა დუბლი, რასაც ლარს ბენდერის ერთი გოლი და ტაიმის ბოლოს სვენ ულრაიხის ფანტასტიკური თამაში მოჰყვა. სვენმა მეტოქეს ანგარიშის გათანაბრების უფლება არ მისცა, ხოლო მეორე ტაიმის სტართზე მიულერმა მესამეც გაიტანა. ამას მალევე ტიაგოს გოლი, მიულერის ჰეთ-თრიქი და ლეონ ბეილის ლამაზი საჯარიმო დარტყმა მოჰყვა. საბოლოოდ, 6:2 და მიუნხენელებმა ფინალის საგზური 22-ჯერ მოიპოვეს.

აინტრახტის სტატისტიკა: 5 მოგება, 13 გატანილი გოლი, 1 გაშვებული გოლი


ფრანკფურტელების გზა გაცილებით იოლი იყო. "არწივები" პირველ ორ ეტაპზე რეგიონალლიგის გუნდებს შეხვდნენ. მათ "ერნდტებრიუკი" 3:0 გაანადგურეს, ხოლო შემდეგ "შვაინფუნტს" გაუსწორდნენ - 4:0. მერვედფინალში მეორე ბუნდესლიგის გუნდს "ჰაიდენჰაიმთან" გაუჭირდათ, მაგრამ დამატებით დროში 2:1 მაინც იმარჯვეს. ამას მოჰყვა მორიგი მარტივი თამაში - "მაინცთან" 3:0 და ბოლოს ბრწყინვალე გამარჯვება "შალკესთან" - 1:0 გასვლაზე და "აინტრახტი" ბერლინში ზედიზედ მეორედ ითამაშებს.скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
გერმანიის თასი
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა