დევისის დაბრუნების სავარაუდო თარიღი ცნობილია - ბაიერნის ექიმი ნაგელსმანსს 'აფრთხილებს;

ბაიერნის დაცვაში რომ სერიოზული პრობლემებია, ეს ბუნდესლიგის წინა ტურში, ბოხუმთან (4:2) წაგებულმა შეხვედრამაც ნათლად გვაჩვენა.

გუნდს ამ დრომდე აკლია მარცხენა მცველი, ალფონსო დევისი, რომელსაც მიოკარდიტის გამო დიდი დრო გაუცდა - ნაგელსმანი იმედოვნებს, რომ ფონზი ორ კვირაში დაბრუნდება, მაგრამ შესაძლოა გამოაჯნმრთელების პროცესი ასე მალე არ დასრულდეს.

გერმანულ გამოცემა kicker-თან კანადელი მოთამაშის ჯანმრთელობის შესახებ ბაიერნის ექიმმა, ჰოლგერ ბროიხმა ისაუბრა: 'მიოკარდიტი როცა სპორტსმენებს ემართება, ცუდია. გარდა ამისა, ჩვენ ჯერ კიდევ არ გვაქვს ბევრი ცოდნა პოსტ-კოვიდ მდგომარეობის შესახებ.

სწორედ ამიტომ, სპორტსმენები, იქნებიან ეს პროფესიონალები თუ მოყვარულები, ფრთხილად უნდა იყვნენ კორონავირუსის გადატანის შემდეგ სპორტული აქტივობების ხელახლა დაწყებისას', - განაცხადა ბროიხმა.

ასე და ამგვარად, ალფონსო დევისის დაბრუნების სავარაუდო თარიღი 2 კვირა სახელდება, თუმცა შესაძლოა ეს მისი დაბრუნების დრო კვლავ გადაიდოს.