ხვალ, ჩემპიონთა ლიგის პლეი-ოფის 1/8 ფინალურ შეხვედრაში მიუნხენის ბაიერნი სტუმრად ზალცბურგს დაუპირისპირდება. შეხვედრა თბილისის დროით 23:45 საათზე დაიწყება.
ოფიციალურად, ცნობილი გახდა, რომ აღნიშნულ შეხვედრას ინგლისელი არბიტრი, მაიკლ ოლივერი განსჯის. ოლივერი არც თუ ისეთი მკაცრი მსაჯია, ის მოთამაშეებს მოედანზე მეტ თავისუფლებას და ხშირად ხისტი თამაშის უფლებასაც აძლევს.
მიმდინარე სეზონში, მაიკლ ოლივერმა ჩემპიონთა ლიგის 3 შეხვედრა განსაჯა. ერთ-ერთი მათგანი კი ბარსელონა 0:3 ბაიერნი გახლდათ, სადაც მხოლოდ 3 ყვითელი ბარათით შემოიფარგლა.
ისე კი, მისი სტატისტიკა მიმდინარე სეზონში ყველა ტურნირზე შემდეგნაირია: 26 შეხვედრა: 83 ყვითელი ბარათი, 2 წითელი ბარათი და 8 დანიშნული პენალტი.