"ბოლოს ძალიან დავიღალე, მაგრამ..", - კინგსლი კომანის კომენტარი ზალცბურგთან მატჩის შემდეგ

გუშინ, ჩემპიონთა ლიგის 1/8 ფინალური შეხვედრა გაიმართა, სადაც მიუნხენის ბაიერნი სტუმრად ზალცბურგს დაუპირისპირდა და ფრედ 1:1 ითამაშა.

ანგარიში 21-ე წუთზე, შეცვლაზე შემოსულმა ჩიკვუბუიკე ადამუმ გახსნა, რასაც ბაიერნმა მხოლოდ 90-ე წუთზე, კინგსლი კომანის გოლით უპასუხა.

მატჩის დასრულების შემდეგ, აღნიშნული შეხვედრა მიუნხენელთა ფრანგმა ვინგერმა, კინგსლი კომანმა შეაფასა:

'რა თქმა უნდა, მოგება გვინდოდა, მაგრამ საბოლოო ჯამში ფრე დამარცხებას ნამდვიალდ ჯობია. მეორე თამაში მიუნხენში, ჩვენს გულშემატკივრებთან ერთად გვაქვს ჩასატარებელი და საკუთარ ძალებში დარწმუნებულები ვართ.'

კომანმა საკუთარ გოლზეც გააკეთა კომენტარი:

'ეს ძალიან მნიშვნელოვანი გოლი გამოდგა, ბოლოს ძალიან დავიღალე, მაგრამ ყოველთვის უნდა გააგრძელო თამაში და ბოლომდე დაიხარჯო - ამან კარგად იმუშავა', - განაცხადა ფრანგმა ვინგერმა.