"დღეს ხალხი თამაშებს თავიდან ბოლომდე აღარ უყურებს..", - ლევანდოვსკი თანამედროვე ფეხბურთის პრობლემებზე

მიუნხენის ბაიერნის პოლონელმა თავდამსხმელმა, რობერტ ლევანდოვსკიმ L'Equipe-სთან ინტერვიუში თანამედროვე ფეხბურთის შესახებ ისაუბრა:

'თავდამსხმელის როლის დაყვანა მხოლოდ გოლებამდე არ შეიძლება. მოედანზე თანაგუნდელებისთვის მუშაობა, გადაადგილება, სირბილი, სივრცეების შექმნა, რომელიც მეტოქის ნახევარზე სუსტი ადგილების პოვნაში გეხმარება - ეს ყველა ასპექტი გაერთიანებული, როგორც ბურთთან, ასევე მის გარეშე, არის თანამედროვე ფეხბურთი.

ცხადია, სტატისტიკა მნიშვნელოვან როლს თამაშობს, რადგან ვიცით, რომ თავდამსხმელებს ერთმანეთს მუდმივად ადარებენ. პირველ რიგში, გულშემატკივარი მათგან გოლებს ელის, თუ ვერ იტანენ, მაშინვე იწყებენ მის გაკრიტიკებას.

დღეს ადამიანები მატჩებს თავიდან ბოლომდე აღარ უყურებენ, მხოლოდ მიმოხილვებს ან მონაკვეთებს ნახულობენ. აქედან გამომდინარე, თუ თავდამსხმელი გოლს ვერ იტანს, პირველ რიგში ამას ამჩნევენ. მისი ვერ გატანილი გოლი უფრო მარტივი შესამჩნევია, ვიდრე თამაშის დანარჩენი ასპექტები', - განაცხადა ლევანდოვსკიმ.