როგორც უკვე მოგახსენეთ, ბაიერნი ნიკლას ზულეს შემცვლელს აქტიურად ეძებს და მთავარ კანდიდატად, ლონდონის ჩელსის მცველს, ანდრეას კრისტენსენის ვარიანტს განიხილავენ, თუმცა დანიელ მცველს ჯერ საკუთარ მომავალთან დაკავშირებით საბოლოო გადაწყვეტილება არ მიუღია.
გერმანული კლუბი ალტერნატიულ ვარიანტებსაც განიხილავს - ერთ-ერთი ვარიანტი კი ტორინოს ბრაზილიელი ცენტრალური მცველი, გლეისონ ბრემერია.
როგორც გერმანული გამოცემები ირწმუნებიან, მიუნხენური გრანდი ბრემერს დიდი ხანია რაც აკვირდება, ფეხბურთელსა და კლუბს შორის პირველი კონტაქტი კი რამდენიმე დღის წინ შედგა.
იმ შემთხვევაში, თუ ბაიერნი 24 წლის მცველი შეძენას გადაწყვეტს, იტალიური კლუბისთვის მინიმუმ 15 მილიონი ევროს გადახდა მოუწევს, ყველა სიკეთესთან ერთად, ბრემერის ხელფასი, ბაიერნს გაცილებით იაფი დაუჯდება, ვიდრე კრისტენსენის.
ცნობისთვის, 24 წლის მცველმა მიმდინარე სეზონში სერია ა-ს 22 მატჩში მიიღო მონაწილეობა, სადაც თავის გამოჩენა 2 გოლითა და 1 საგოლე გადაცემით მოახერხა.