კვირას, 20 თებერვალს, ბუნდესლიგის 23-ე ტურის შეხვედრაში, მიუნხენის ბაიერნი შინ გროიტერ ფიურტს უმასპინძლებს.
მატჩის წინ, ფიურტის მთავარმა მწვრთნელმა, სტეფან ლაიტლმა მოახლოებული შეხვედრა შეაფასა:
'მეშინია თუ არა ბაიერნის? მე არაფრის მეშინია - ცუდი იქნება, თუ მიუნხენში შიშით ჩავალთ და თამაშს ასე მივუდგებით. ალიანს არენაზე, მსოფლიოში შესაძლოა საუკეთსო კლუბის წინააღმდეგ თამაში ძალიან დიდი მოვლენაა.
გაბედულები უნდა ვიყოთ, შემდეგ აუცილებლად შეგვექმნება მომენტები, რომლებიც უნდა გამოვიყენოთ. კარგად ვიცით, თუ რა უნდა გავაკეთოთ მოედანზე ყოფნისას - ძალიან დიდი მონდომება, სირბილი, ინტენსიური თამაში და ორთაბძოლებისას გამარჯვება გვჭირდება. თუ ეს მოვახერხეთ, მაშინ ბაიერნს სერიოზულ წინააღმდეგობას გავუწევთ და მათთვის უხერხულ მეტოქედ ვიქცევით', - განაცხადა 44 წლის სპეციალისტმა.
ცნობისთვის, აღნიშნული შეხვედრა თბილისის დროით 18:30 საათზე დაიწყება.