მიუნხენური გრანდის შემტევმა ნახევარმცველმა, თომას მიულერმა, გუშინდელი მატჩის შემდეგ თადარიგში დარჩენაზე კომენტარი გააკეთა.
"სეზონის განმავლობაში ბევრ სხვადასხვა განლაგებასა და შემადგენლობას განვიხილავთ. ასე, რომ გადამეტება არ ღირს", - განაცხადა მიულერმა.
გერმანიის ეროვნული ჩემპიონატის მე-3 ტურში "ბაიერნმა" შინ "მაინცი" 6:1 გაანადგურა და ნიკო კოვაჩმა თომას მიულერი სკამზე დატოვა.
29 წლის გერმანელი თამაშში 67-ე წუთისთვის ჩაერთო და ორი საგოლე გადაცემის გაკეთება მოახერხა.