...

გერმანია 2:1 საუდის არაბეთი - მატჩისშემდგომი კომენტარები

გუშინ გერმანიის ეროვნულმა ნაკრებმა საუდის არაბეთთან მსოფლიო ჩემპიონატის წინ ბოლო ტესტ-მატჩი ჩაატარა და მეტოქე 2:1 დაამარცხა.

შეხვედრის შემდეგ "ბაი-არენაზე" პრესკონფერენცია გაიმართა და "ბუნდესნაკრების" მთავარმა მწვრთნელმა, მოთამაშეებთან, ერთად შეხვედრა შეაფასა. გერმანელები ბოლომდე კმაყოფილები არ არიან.

იოახიმ ლიოვი: "ჩვენ განვითარებას გავაგრძელებთ და როდესაც ტურნირი დაიწყება, უკვე მზად ვიქნებით. მჯერა, რომ კარგად დავიწყეთ. პირველ ტაიმში მოედანზე კარგად გადავადგილდებოდით. მეორე ნახევარში ცოტათი მოვეშვით და თამაშის სადავეები ხელიდან გაგვექცა. ძალიან ბევრი შანსი გავანიავეთ და მეტოქესაც ბევრი მომენტის შექმნის უფლება მივეცით. საბოლოოდ, ცოტათი იღბალი დაგვაკლდა. მომდევნო კვირას უკვე გაცილებით დინამიური და კარგი თამაში უნდა ვაჩვენოთ".

მარკო როისი: "ჩვენ ყველა კომპონენტში კარგად არ გვითამაშია. კონტრშეტევების დროს აშკარად დაუცველად ვგრძნობდით თავს. სივრცეები ზონებს შორის საკმაოდ დიდი იყო. როგორც უკვე ითქვა, ჩვენ ვართ გუნდი, რომელიც ტურნირებზე ასპარეზობს კარგად, ამიტომ აუცილებლად მზად ვიქნებით!".

მანუელ ნოიერი: "კარგ ფიზიკურ ფორმაში ვართ. თამაში კარგად დავიწყეთ, მაგრამ ბურთს ზედმეტად ხშირად ვკარგავდით. გვინდა, რომ თითქმის ყველა შანსიდან რეალური საგოლე მომენტი შევქმნათ, მაგრამ ზოგჯერ სიმწვავე გვაკლდებოდა. მჯერა, რომ გერმანიას შეუძლია დიდებული ტურნირი ჩაატაროს".

სამი ხედირა: "როდესაც ჰორიზონტზე მსოფლიო ჩემპიონატია, შედეგებს მნიშვნელობა აქვს. პირველ ტაიმში იდეალურები ვიყავით, მაგრამ მეორე ნახევარში ფორმა დავკარგეთ. ახლა საკუთარი თავი მაღლა უნდა დავიჭიროთ და მუნდიალისთვის მოვემზადოთ. დიდი პოტენციალი გვაქვს და გვინდა, რომ ეს რუსეთში გამოვავლინოთ".

ტონი კროოსი: "ალბათ დაინახეთ, რომ ყველაფრის გაკეთება გვინდოდა, მაგრამ რაღაცები არ გამოგვივიდა. ვფიქრობ, ორზე მეტი გოლი უნდა გაგვეტანა. თუმცა მეტოქეს ზედმეტად ბევრი მომენტის შექმნის საშუალება მივეცით. ამაზე აუცილებლად ვიმუშავებთ. მსოფლიოზე ყველაფერს გავიღებთ და მჯერა, რომ კარგი ტურნირი გვექნება".скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა