მიუნხენის "ბაიერნის" ყოფილმა ცენტრალურმა თავდამსხმელმა, სანდრო ვაგნერმა, თავის სამომავლო გეგმებზე ისაუბრა.
"საფეხბურთო კარიერის დასრულების შემდეგ ძალიან მინდა სამწვრთნელო კარიერის დაწყება და ასევე დანამდვილებით ვიცი, რომ მინდა "ბაიერნში" დაბრუნება.
მოთამაშის რანგში რამდენიმე წელი კიდევ მაქვს დარჩენილი და მინდა, რომ სიამოვნება მივიღო. ჯერჯერობით არ ვიცი რა იქნება ამის შემდეგ, ველოდები ნებისმიერ წინადადებას და ვარ მშვიდად", - აღნიშნა 31 წლის გერმანელმა, რომელიც ახლა ჩინური "ტიანჟინის" რიგებში ირიცხება.
სანდრო ვაგნერი "ბაიერნის" აღზრდილია და "რეკორდმაისტერს" მეორედ 2018 წლის იანვარში შეუერთდა. ერთ წელიწადში ვაგნერმა 30 თამაში ჩაატარა და 10 ბურთის გატანა მოახერხა.
2019 წლის იანვარში სანდრომ კლუბი დატოვა და ჩინეთში გადავიდა სათამაშოდ. მისი მოქმედი კონტრაქტი 2020 წლის ზამთარში იწურება.