ლევანდოვსკის ზაფხულში ბაიერნის დატოვება სურს | გერმანული მედია

გერმანული მედიის ინფორმაციით, ლევანდოვსკის 2022 წლის ზაფხულში გუნდის დატოვება სურს. კარიერის დასრულებამდე, პოლონელ ფორვარდს კიდევ ერთი დიდი ნაბიჯის გადადგმა და საკუთარი ძალების სხვა გუნდში მოსინჯვა სურს.

როგორც იწერება, ლევანდოვსკი ყველანაირ შემოთავაზებას განიხილავს და საბოლოო გადაწყვეტილებას ზაფხულის სატრანსფერო ფანჯრის პერიოდში მიიღებს.

Bild-ი წერს, რომ კლუბში და ლევანდოვსკის გარემოცვაში მყოფ ბევრ ადამიანს არ ესმის, თუ როგორ იქცევიან ბაიერნის ბოსები 33 წლის ფორვარდის მდგომარეობასთან დაკავშირებით. მათ ამ დრომდე არანაირი მოლაპარაკება ახალ კონტრაქტთან დაკავშირებით არ დაუწყიათ.

ამას, ბევრი მოთამაშის მიმართ უპატივცემულობად აღიქვამს და ბაიერნის ბოსებიდან მსგავსი პოზიციის ცვლილებას კიდევ 2-3 კვირის მანძილზე არ ელოდებიან.