როგორც უკვე მოგახსენეთ, შვეიცარიის ქალაქ ნიონში გამართულ კენჭისყრის შედეგად, გაირკვა, რომ ჩემპიონთა ლიგის მეოთხედფინალში, მიუნხენის ბაიერნი ვილიარეალს დაუპირისპირდება.
აღნიშნულ დაპირისპირებაზე, ვილიარეალის მთავარმა მწვრთნელმა, უნაი ემერმაც ისაუბრა:
'რთული მატჩი გველოდება. მიუნხენში თამაში ნამდვილად ამაღელვებელია. მეოთხედფინალში ყოფნა, ავტომატურად ნიშნავს, რომ გვყავს მეტოქეები, რომლებიც ჩვენგან ბევრს ითხოვენ - ყველა მეტოქე ამ ეტაპზე რთულია. ჩვენ გამოვიყენებთ იმ ძლიერ მხარეებს, რაც გაგვაჩნია და ვეცდებით შეხვედრისგან სიამოვნება მივიღოთ', - განაცხადა ესპანური გუნდის თავკაცმა.