მიუნხენის ბაიერნის დირექტორთა საბჭოს თავჯდომარემ, ოლივერ კანმა კლუბის ფინანსურ მდგომარეობაზე და სამომავლო გეგმებზე ისაუბრა:
"ბუნდესლიგის წლიური სატელევიზიო შემოსავალი საერთაშორისო სატელევიზიო კონტრაქტორებიდან 150 მილიონ ევროზე ნაკლებია, ამავდროულად, პრემიერ ლიგა 2 მილიარდ ევროზე მეტს გამოიმუშავებს. ეს მნიშვნელოვანი უთანასწორობაა.
ჩვენ ამ უზარმაზარი განსხვავების შესამცირებლად ზომების მიღება გვჭირდება. ბაიერნი სპონსორების მხრივ მსოფლიოს სამ საუკეთესო კლუბს შორისაა, მაგრამ ამ კუთხით მუშაობას კვლავ ვაგრძელებთ.
საჭიროა, რომ სატრანსფერო ბაზარზეც ჭკვიანურად და ეფექტურად ვიმუშავოთ, ასევე გუნდში გამარჯვებულის მენტალიტეტი უნდა განვავითაროთ - თუ ამ ყველაფრის მიღწევას შევძლებთ, ბაიერნი მომდევნო ათწლეული სპორტული და ფინანსური თვალსაზრისით წარმატებული იქნება", - განაცხადა კანმა.