ჰანსი ფლიკმა “შტერნთან” ინტერვიუში განაცხადა, რომ ეთანხმება რუსეთის ნაკრების მსოფლიოს ჩემპიონატიდან მოკვეთას.
მისი აზრით, ეს გადაწყვეტილება ვლადიმირ პუტინზე არ იმოქმედებს.
"დაუშვებელია, რომ ყოველთვის ფულზე ფიქრობდნენ. ნახეთ, რა მოხდა ბოლო დროს: უდიდესი საფეხბურთო ზეიმი, მსოფლიოს ჩემპიონატი, რუსეთში გაიმართა, ზამთრის ოლიმპიური თამაშები - პეკინში. წელს მუნდიალი კატარში უნდა ჩატარდეს, კარგად დაფიქრება გვმართებს ხოლმე იმაზე, თუ რომელ ქვეყანას ვაძლევთ ასეთი უდიდესი ტურნირების მასპინძლობის უფლებას.
57 წლის ბუნდესმწვრთნელმა აღნიშნა, რომ რუსეთის ნაკრების მუნდიალის საკვალიფიკაციო პლეი ოფიდან მოკვეთა სწორი გადაწყვეტილებაა, თუმცა დიდად არ ჰგონია, რომ ეს გადაწყვეტილება პუტინს ადარდებს.