...

იტალია - გერმანია: საუკეთესო ამხანაგური პაექრობები

იტალიისა და გერმანიის ეროვნული ნაკრებების დაპირისპირება საკმაოდ პრინციპული, დაძაბული და ისტორიულია. "სკუადრა აძურა" და "ბუნდესნაკრები" ჯერ კიდევ შორეული წლებიდან მოყოლებული ერთმანეთის სერიოზული მტრები არიან. ოფიციალურ დონეზე ამ გუნდების ურთიერთშეხვედრები ერთვარი საფეხბურთო კლასიკაა, მაგრამ აღსანიშნავია, რომ იტალიასა და გერმანიას ერთმანეთში ძალიან ბევრი ამხანაგური მატჩი აქვთ ჩატარებული.

გამომდინარე იქიდან, რომ დღეს საღამოს, მილანის ულამაზეს სტადიონ "ჯუზეპე მეაცაზე", სწორედ ამხანაგური პაექრობა გაიმართება, ჩვენ იტალიასა და გერმანიას შორის გამართულ იმ არაოფიციალურ თამაშებს გაგაცნობთ, რომლებიც მიუხედავად სტატუსისა, ძალიან საინტერესო და დაუვიწყარი გამოდგა.

გერმანია 5:2 იტალია - 1939
1939 წლის 26 ნოემბერს, ბერლინის ოლიმპიურ არენაზე, გერმანიისა და იტალიის ნაკრებებმა დიდებული დაპირისპირება გამართეს. ერთმანეთს ორი ფაშისტური ქვეყანა უპირისპირდებოდა, ამიტომ მატჩს პოლიტიკური დატვირთვაც ჰქონდა, მით უმეტეს 30-იანი წლების მიწურულს. არენაზე 70 ათასი გულშემატკივარი შეიკრიბა და ჩინებული სპექტაკლი იხილა. პირველი ტაიმი ფრედ 2:2 დასრულდა. მეორე ნახევარში კი "ბუნდესნაკრებმა" სამი ბურთი გაიტანა და გერმანალებმა დიდი ანგარიშით, 5:2 მოიგეს. ამ შეხვედრაში ჰეთ-თრიქი ლეგენდარულმა ავსტრიელმა თავდამსხმელმა, ფრანც ბინდერმა, გაიფორმა, რომლისთვისაც ეს ერთ-ერთი პირველი თამაში იყო გერმანიის ეროვნულ გუნდში. ეს გამარჯვება გერმანელებისთვის ძალიან მნიშვნელოვანი და ფასეული იყო, რადგან იტალია მაშინ მსოფლიოს მოქმედი ჩემპიონი გახლდათ. 1938 წლის მსოფლიოს უძლიერესი გუნდიდან ბერლინში მხოლოდ ალდო ოლივიერიმ და ჯინო კოლაუსიმ ითამაშეს. აღსანიშნავია, რომ 1923-2006 წლების პერიოდში ამ გუნდებს შორის ერთადერთი დიდი ანგარიში დაფიქსირდა და ეს სწორედ 1939 წლის ნოემბერში მოხდა.

გერმანია 2:1 იტალია - 1994
1994 წლის 23 მარტს, შტუტგარტში, გერმანიის ეროვნულმა ნაკრებმა საკმაოდ ძლიერ იტალიის ეროვნულ გუნდს უმასპინძლა. ეს იყო რეპეტიცია მოახლოვებული მუნდიალის წინ, რომელიც ამერიკაში გაიმართა. მსოფლიოს მოქმედმა ჩემპიონებმა ფანტასტიკური თამაში აჩვენეს და პირველ ტაიმში მატიას ზამერის დიდებული ჩაწოდებების შემდეგ არაერთი მომენტი შექმნეს. თუმცა, "სკუადრა აძურას" კარის დარაჯი, ლეგენდარული ჯანლუკა პალიუკა, საოცრად გამოიყურებოდა. ანგარიში იტალიელებმა გახსნეს, როდესაც რობერტო დონადონის ჩაწოდებას თავით დინო ბაჯო გამოეხმაურა. ეს 44-ე წუთზე მოხდა, მაგრამ მალევე გერმანიამ ანგარიში გაათანაბრა. მარცხენა ფლანგიდან ზამერმა ჩააწოდა და თავით იურგენ კლინსმანმა იყოჩაღა. დიდებულმა გერმანელმა ფორვარდმა თავი მეორე ტაიმის დასაწყისშიც გამოიჩინა და გერმანიის ეროვნულ გუნდს მოაგებინა. კლინსმანის დუბლით "ბუნდესთიმმა" 2:1 იმარჯვა და იტალიის ნაკრები ზემოთხსენებული 1939 წლის გამარჯვების შემდეგ პირველად დაამარცხა.

იტალია 4:1 გერმანია - 2006
მანამ, სანამ მარჩელო ლიპის დიდებული იტალია მსოფლიო ჩემპიონატის მასპინძელ გერმანიის ნაკრებს ნახევარფინალში გაამწარებდა, "სკუადრა აძურამ" იურგენ კლინსმანის გუნდი რამდენიმე თვით ადრე, 2006 წლის 1 მარტს გაანადგურა, თანაც საკმაოდ დიდი უპირატესობის ფონზე. ფლორენციაში შესუსტებული "ბუნდესნაკრები" ჩავიდა, რომელსაც დაცვის ცენტრში რობერტ ჰუტი და პერ მერტეზაკერი ჰყავდა, რითიც იტალიელებმა თავიდანვე ისარგებლეს. ალბერტო ჯილარდინოსა და ლუკა ტონის გოლებით იტალიამ 2:0 უკვე მეშვიდე წუთისთვის წაიყვანა. ტაიმის ბოლოს კი თავი დანიელე დე როსიმაც გამოიჩინა. მეორე ნახევარში კი ალესანდრო დელ პიეროს გოლს ჰუტმა უპასუხა და საბოლოოდ, გერმანიის ნაკრები 1:4 დამარცხდა. იტალიელთა რიგებში გამორჩეულები ფაბიო გროსო, მაურო კამორანეზი და ლუკა ტონი იყვნენ. ლიპის ამ ჩინებულმა გუნდმა გერმანელებს რამდენიმე თვეში ყველაზე მტკივნეული მარცხი აგემა და ბერლინში მსოფლიო თასი აღმართა.

გერმანია 1:1 იტალია - 2011
2011 წლის 9 თებერვალს იტალია და გერმანია 2006 წლის მუნდიალის შემდეგ ერთმანეთს პირველად შეხვდნენ. ეს ამხანაგური თამაში დორტმუნდში, "სიგნალ იდუნა პარკის" დიდებულ არენაზე გაიმართა და საკმაოდ დაძაბული გამოდგა. ანგარიში იოახიმ ლიოვის გუნდმა გახსნა, მესუტ იოზილისა და ტომას მიულერის ულამაზესი კომბინაცია გატანილი გოლით მიროსლავ კლოზემ დააგვირგვინა. მომენტები ორივე გუნდს საკმაოდ დიდი რაოდენობით ჰქონდა, მაგრამ ერთ კარში ჯიჯი ბუფონი, მეორეში კი მანუელ ნოიერი ბრწყინავდნენ. საბოლოოდ, "სკუადრა აძურამ" ზეწოლას მოუმატა და მატჩის 81-ე წუთზე ჯუზეპე როსიმ წონასწორობა მაინც აღადგინა. დორტმუნდში ჯერ კიდევ გელზენკირხენის "შალკეს" ახალგაზრდა კარის დარაჯი ლეგენდარულ ბუფონს პირველად შეხვდა და ჯანლუიჯი, თამაშის შემდეგ, მას გადაეხვია კიდეც. გერმანელებისა და იტალიელების პირველი პაექრობა, თითქმის ხუთწლიანი პაუზის შემდეგ, ფრით დასრულდა, მაგრამ თამაში ძალიან სანახაობრივი იყო.

გერმანია 4:1 იტალია - 2016
ეს კი ამ გუნდების ბოლო ამხანაგური დაპირისპირებაა, რომელიც ევროპის ჩემპიონატამდე სამი თვით ადრე გაიმართა და მიუნხენში იოახიმ ლიოვის გუნდის ბენეფისი შედგა. გერმანიის ნაკრებმა, ყველასათვის მოულოდნელად, ხუთი მცველით ითამაშა და ამ სქემამ ანტონიო კონტეს იტალიის წინააღმდეგ იდეალურად იმუშავა. ფლანგებზე სებასტიან რუდი და იონას ექტორი ფანტასტიკურად მოქმედებდნენ, შეტევაში კი იულიან დრაქსლერი, მარიო გიოტცე და ტომას მიულერი ბრწყინავდნენ. "ბუნდესთიმმა" საკმაოდ ლამაზი კომბინაციები გაითამაშა, ჯანლუიჯი ბუფონის კარი ოთხჯერ აიღო, ბოლოს ერთი ბურთიც გაუშვა და საბოლოოდ, 4:1 იმარჯვა. მოგვიანებით, ევრო 2016-ს მეოთხედფინალში, გერმანია იტალიას, ოფიციალურ შეხვედრაში, პირველად გასცდა და ისტორიაც გადაიწერა. მიუნხენში გერმანელებმა ფსიქოლოგიურად მნიშვნელოვანი გამარჯვება მოიპოვეს, რომელიც საფრანგეთში გამოადგათ.

დღეს კი მორიგი ძალიან საინტერესო ამხანაგური მატჩი გაიმართება. გერმანიის ნაკრები ეცდება, რომ იტალიას კვლავ არ მოაგებინოს, მაგრამ ამის გაკეთება რთული იქნება. "სკუადრა აძურა" საკუთარ მოედანზე თამაშობს და მაქსიმუმს გააკეთებს. ვნახოთ რა მოხდება "ჯუზეპე მეაცაზე."скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
გერმანიის ნაკრები ბლოგი
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა