რატომ ჩაიშალა ბოატენგის ტრანსფერი იუვენტუსში

სატრანსფერო ფანჯრის ბოლო დღეს მიუნხენის "ბაიერნის" გამოცდილი ცენტრალური მცველი, ჟერომ ბოატენგი, იტალიაში უნდა გადაბარგებულიყო, მაგრამ საბოლოოდ გუნდში დარჩა.

ჟერომის სიტუაციის დეტალები ცნობილმა გერმანულმა გამოცემამ, "Kicker-მა", გაასაჯაროვა: ბოატენგის აგენტი კრისტიან ნერლინგერი კვირას მილანში იმყოფებოდა ტურინის "იუვენტუსთან" მოლაპარაკებებზე.

როგორც ირკვევა, მხარეებს შორის შეთანხმება არ შედგა და ტრანსფერიც ამიტომ ჩაიშალა. ბოატენგი "ბებერ ქალბატონს" ერთწლიანი იჯარით უნდა დაემატებინა.

სატრანსფერო ფანჯარა გუშინ ოფიციალურად დაიხურა, ამიტომ 31 წლის გერმანელი მიუნხენურ გრანდში დარჩება.

ჟერომ ბოატენგს ძირითადში ადგილის მოსაპოვებლად მოუწევს ბრძოლა, ვინაიდან ლუკა ერნანდესისა და ნიკლას ზიულეს სახით სერიოზული კონკურენტები ჰყავს.