მიუნხენის "ბაიერნის" შემტევმა ნახევარმცველმა, ხამეს როდრიგესმა, "ლივერპულთან" პირველი 1/8 ფინალური თამაშის შემდეგ თავის მომავალზე ისაუბრა.
"ბაიერნთან" მოქმედი კონტრაქტი მაკავშირებს და ვნახოთ რა მოხდება ივნისში.
ვფიქრობ, მადრიდში ყველაფერი მაქვს: სახლი, მეგობრები, ხალხი, რომელთაც ვუყვარვარ. "რეალის" ზოგიერთ მოთამაშეს დღემდე ვხვდები.
არ ვიცი არ მოხდება. ახლა "ბაიერნთან" მაქვს კონტრაქტი და არავინ იცის რა ელის მომავალში. მინდა, რომ სეზონი ნორმალურად დავასრულო, შემდეგ კი ვნახოთ რა შეიცვლება", - განაცხადა 27 წლის კოლუმბიელმა.
ხამეს როდრიგესი "რეკორდმაისტერის" ღირსებას იჯარის წესით იცავს და "ბაიერნს" მისი კონტრაქტის 42 მილიონ ევროდ გამოსყიდვის უფლება აქვს.
მიმდინარე სეზონში, ყველა ტურნირზე ერთად, ხამესმა 18 თამაშში 3 გოლი გაიტანა და 2 ასისტი გააკეთა.