"ლივერპულისა" და ჰოლანდიის ეროვნული ნაკრების ცენტრალურმა მცველმა, ვირჯილ ვან დეიკმა, მიუნხენის "ბაიერნის" ახალგაზრდა მცველი შეაქო.
"ნიკლას ზიულე დიდებული მცველია.
ის "ბაიერნის" ღირსებას უმიზეზოდ არ იცავს. მასთან უკვე რამდენიმე მშვენიერი დაპირისპირება და ორთაბრძოლა მქონდა", - განაცხადა ვან დეიკმა, რომელიც უეფამ წლის საუკეთესო მოთამაშედ დაასახელა.
24 წლის ნიკლას ზიულე "ბაიერნმა" 2017 წლის ზაფხულში "ჰოფენჰაიმიდან" 20 მილიონ ევროდ შეიძინა და ნიკლასი უკვე გუნდის ძირითადი ცენტრალური მცველია.
ზიულე გერმანიის ნაკრების დაცვის ლიდერადაც ჩამოყალიბდა - "ბუნდესნაკრების" მაისურით მას უკვე 20 თამაში აქვს ჩატარებული.