მიუნხენის "ბაიერნის" ცენტრალურმა თავდამსხმელმა, რობერტ ლევანდოვსკიმ, გერმანულ გრანდში საწყისი პერიოდი გაიხსენა და აღნიშნა თუ რას ნიშნავს მისთვის "ბაიერნი".
"კარგად მახსოვს ჩემი პირველი დღეები "ბაიერნში", როდესაც პირველად ჩავიცვი ეს მაისური..განსაკუთრებული გრძნობაა!
მაშინ ცხოვრებაში პირველად ვგრძნობდი, რომ დიდი კლუბის ფორმა მეცვა. ვიცოდი, რომ "ბაიერნი" ყოველ სეზონში იბრძვის ყველა ტიტულისთვის - ბუნდესლიგა, თასი და ჩემპიონთა ლიგა.
ასე, რომ ჩავთვალე, რომ ეს ეტალონია, დიდი ნაბიჯი კარიერაში. საკუთარ თავს ვუთხარი: "ეს არის გუნდი, რომელში ყოფნაც მინდა და რომელშიც დიდი ხანი დავრჩები", - განაცხადა ლევიმ.
31 წლის პოლონელი ფორვარდი "რეკორდმაისტერმა" 2014 წლის ზაფხულში დორტმუნდის "ბორუსიადან" უფასოდ დაიმატა და მას შემდეგ ლევანდოვსკი "ბაიერნის" მთავარი გოლეადორია.
მიუნხენური კლუბის მაისურით ყველა ტურნირზე ერთად ჩატარებულ 247 თამაშში ლევანდოვსკიმ 198 გოლის გატანა მოახერხა.