...

"ეს კარიერის საუკეთესო გადაწყვეტილება იყო" - არიენ რობენის ინტერვიუ

მიუნხენის "ბაიერნის" პრესსამსახურმა გერმანიის ბუნდესლიგის დაწყებამდე გუნდის ჰოლანდიელ ლეგიონერთან, ლეგენდარულ არიენ რობენთან, საინტერესო ინტერვიუ ჩაწერა.

34 წლის ჰოლანდიელმა ეროვნული ჩემპიონატის მოახლოვებულ სტარტზე, ბუნდესლიგასა და "ბაიერნის" მიზნებზე ისაუბრა.

არიენ, პარასკევს "ბაიერნი" ბუნდესლიგას "ჰოფენჰაიმთან" საშინაო მატჩით იწყებს. თუმცა თქვენ უკვე ჩაატარეთ ორი ოფიციალური თამაში - გერმანიის სუპერთასსა და თასზე. როგორია მოლოდინი ბუნდესლიგის გახსნითი მატჩის წინ?

"რა თქმა უნდა, მატჩს სულმოუთმენლად ველით. ბუნდესლიგა სულ სხვა ტურნირია, აქ 34 ტურია გასავლელი. გრძნობ, რომ ყველაფერი სწორედ ახლა იწყება! ამავდროულად, ეს არის ერთგვარი საჩუქარი მძიმე და ინტენსიური მოსამზადებელი ეტაპისთვის. ერთი სული მაქვს როდის მოვა თამაშის დრო!".

სეზონისათვის მოსამზადებელი ეტაპის დროს ბევრი მაღალი დონის მოწინააღმდეგე გყავდათ. კარგად არის გუნდი მზად ჩემპიონატის სტარტისთვის?

"სწორ გზაზე ვართ, მაგრამ რა თქმა უნდა, მოსამატებელი ჯერ კიდევ არის. თუმცა სრული შემადგენლობით არც ისე დიდი ხანია ვმუშაობთ, გუნდის დიდი ნაწილი მხოლოდ ტეგერნზში შემოგვიერთდა. ბევრი რამ გვაქვს გასაუმჯობესებელი, სათამაშო პრაქტიკა გვჭირდება. თუმცა ბუნდესლიგის სტარტისთვის მზად ვართ".

"ჰოფენჰაიმი" - მარტივი მეტოქე არ არის. ბოლო წლებში მათ თქვენი გაბრაზება მოახერხეს. რას ელით ამ მატჩისგან?

"ვფიქრობ, ძალიან, ძალიან რთული მატჩი იქნება. "ჰოფენჰაიმი" არანორმალურად კარგია, ამიტომ იოლი გასეირნება არ გველის. მოსამზადებელი ეტაპის დროს მათ დიდი გუნდების წინააღმდეგ დიდი ანგარიშით მოიპოვეს გამარჯვებები, გერმანიის თასზე 6:1 იმარჯვეს - ეს მართლაც ძალიან კარგი გუნდია. პარასკევს თამაშში პირველივე წუთებიდან უნდა ჩავერთოთ, წინააღმდეგ შემთხვევაში, ყველაფერი არასასიამოვნოდ განვითარდება. გვინდა, რომ ეს თავიდან ავირიდოთ და ჩემპიონატი კარგად დავიწყოთ".

თქვენთვის ეს მეათე სეზონი იქნება "ბაიერნში". 2009 წლის ზაფხულში იფიქრებდით, რომ მიუნხენში ამდენ ხანს დარჩებოდით?

"არა, ასე არ ვფიქრობდი. ყოველთვის რეალისტად ვრჩები და მესმის, რომ ფეხბურთში შეიძლება ყველაფერი ძალიან სწრაფად შეიცვალოს. შეიძლება ყველაფერი სხვანაირად მომხდარიყო. გრონინგენში დებიუტის შემდეგ ორი წელი ეინდჰოვენში ვთამაშობდი. 18 წლის ასაკში სახლი დავტოვე - ეს ჩემთვის დიდი ნაბიჯი იყო. 20 წლისამ კი საზღვარგარეთ დავიწყე თამაში - "ჩელსიში", დიდებულ კლუბში, სამი წელი გავატარე. შემდეგ იყო ორი წელი მადრიდში. როდესაც "ბაიერნში" გადმოვდიოდი, სკეპტიკურად ვიყავი განწყობილი. არ ვიცოდი რამდენად სწორ გადაწყვეტილებას ვიღებდი, ახლა კი შემიძლია დაგიდასტუროთ: ეს ჩემს კარიერაში გაკეთებული საუკეთესო არჩევანია!".

ბუნდესლიგაში უკვე დიდი ხანია ხართ, მაგრამ ამ სეზონში თქვენთვისაც იქნება რაღაც სიახლეები: პირველად არ ითამაშებს "ჰამბურგის" წინააღმდეგ, სამაგიეროდ, გაიცნობთ დუისელდორფის "ფორტუნას". რომელ მატჩს ელით ყველაზე მეტად?

"ჰამბურგში თამაში ყოველთვის სასიამოვნო იყო. ეს ფანტასტიკური ქალაქია ფანტასტიკური სტადიონით. სამწუხაროა, რომ "ჰამბურგი" ბუნდესლიგაში აღარ ასპარეზობს. გამიგია, რომ დუისელდორფშიც სტადიონზე ძალიან კარგი ატმოსფერო სუფევს. აგრეთვე ნიურნბერგში, სადაც უკვე რამდენიმე წელია არ გვითამაშია. ყველა მატჩს სულმოუთმენლად დაველოდები".

რა მოგწონთ ბუნდესლიგაში განსაკუთრებით და რა განასხვავებს მას სხვა ევროპული ჩემპიონატებისგან?

"ბუნდესლიგას კვლავ ერთ-ერთ საუკეთესო ჩემპიონატად მივიჩნევ. მოსამზადებელი ეტაპის დროს გერმანულმა კლუბებმა ესპანური და იტალიური კლუბების წინააღმდეგ ბევრი გამარჯვება მოიპოვეს. რა თქმა უნდა, ბევრი ამბობს, რომ ინგლისისა და ესპანეთის ჩემპიონატები უკეთესია, მაგრამ ბუნდესლიგას მაინც ძლიერ ჩემპიონატად მივიჩნევ. ბუნდესლიგის ყურება საინტერესოა, სტადიონებზე ყოველთვის ბევრი მაყურებელია. ეს საინტერესო ჩემპიონატია, რომლის მოსაგებად ყველაფერი უნდა გავაკეთოთ. ეს არც ისე მარტივია, როგორც ბევრი ამბობს. ამ სეზონში ბრძოლა კვლავ იქნება".

როგორი სათაური გინდათ იხილოთ 9 თვის შემდეგ, სეზონის ბოლოს?

"(იცინის) კარგი შეკითხვაა. დაახლოებით ასეთი: "ბაიერნის" ფანტასტიკური სეზონი. მათ მოიგეს ყველაფერი, რისი მოგებაც შეიძლებოდა. ბრწყინვალე ფეხბურთით მათ ყველა დაამარცხეს".скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
არიენ რობენი
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები



სატურნირო მდგომარეობა