...

ბაიერნი 3:1 ჰოფენჰაიმი - მატჩისშემდგომი კომენტარები

გერმანიის ეროვნული ჩემპიონატის ახალი სეზონი მართლაც მხიარულად დაიწყო - მიუნხენის "ბაიერნს" შინ "ჰოფენჰაიმის" წინააღმდეგ გაუჭირდა, მაგრამ საბოლოოდ მაინც დამაჯერებელი ანგარიშით იმარჯვა - 3:1.

შეხვედრის შემდეგ კი პრესკონფერენცია გაიმართა, რომელზეც მხარეებმა მატჩი შეაფასეს.

ნიკო კოვაჩი: "საკმაოდ მხიარული მატჩი გამოვიდა, ხოლო გამარჯვება, თუნდაც ორი ბურთის სხვაობით, დამსახურებულია. თუმცა ანგარიში ალბათ ზუსტად არ შეესაბამება მოედანზე მომხდარ მოვლენებს. "ჰოფენჰაიმმა" ფანტასტიკური სამუშაო შეასრულა, განსაკუთრებით 46-დან 70-ე წუთამდე. ამ პერიოდში ძალიან გვიჭირდა გამოსავლის პოვნა. სეზონის კარგი დასაწყისი ყოველთვის ძალიან მნიშვნელოვანია. პირველ ტაიმში ვდომინირებდით და მეტოქეს ძალიან ცოტა შანსი დავუტოვეთ. მეორე ტაიმის ბოლო 20 წუთიც ნორმალური იყო".

თომას მიულერი: "ჰოფენჰაიმი" მატჩამდე კარგად გავაანალიზეთ, მწვრთნელმა ყველაფერი იდეალურად აგვიხსნა და მეტოქეს დიდი პატივისცემით შევხვდით. ჩვენ მათი ცენტრალური მოთამაშეების განეიტრალებას ვცდილობდით, რაც კარგად გამოგვივიდა. გადაცემებით კარგად მიგვყავდა კომბინაციები და თამაშს ვაკონტროლებდით, განსაკუთრებით პირველ ტაიმში, მაგრამ ვფიქრობ, ერთით მეტი გოლი უნდა გაგვეტანა. მეორე ნახევარში კი ძალიან ცოტა ჩაწოდება განვახორციელეთ. ეს საოცრად საინტერესო მატჩი იყო და დარწმუნებული ვარ, ქომაგებმა ბევრი ისიამოვნეს. არავინ იტყოდა უარს ბუნდესლიგის ყველა მატჩი ასეთი რომ იყოს. ჩვენ მივიღეთ მუხტი და ვართ მობილიზებულები!".

იულიან ნაგელსმანი ("ჰოფენჰაიმის" მთავარი მწვრთნელი): "პირველ ტაიმში ისე ვერ ვითამაშეთ, როგორც ვგეგმავდით. არ გვითამაშია გულით, არ გვქონდა საკმარისი ბურთის ფლობა, ამიტომაც ბევრი უაზრო მოძრაობა გვიწევდა. პირველი ბურთი დამსახურებულად გავუშვით. ამის შემდეგ კი "ბაიერნზე" სერიოზული ზეწოლა მოვახდინეთ. შესვენების შემდეგ მიუნხენელები ვეღარ აკონტროლებდნენ სიტუაციას. ამას კი უცნაური 20 წუთი მოჰყვა და საბოლოო ჯამში, მეტოქემ გამარჯვება დაიმსახურა".

ნიკო შულცი ("ჰოფენჰაიმის" მარცხენა მცველი): "პირველ ტაიმში არასაკმარისად აგრესიულები ვიყავით. შესვენების შემდეგ კარგად ავთამაშდით და საპასუხო ბურთიც გავიტანეთ. თუმცა კიდევ უფრო უკეთ უნდა გვემოქმედა და მეორე გოლიც გაგვეტანა, ვინაიდან იმ პერიოდში ვდომინირებდით. ვფიქრობ, წინა ხაზზე უკეთ უნდა გვეთამაშა".скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები



სატურნირო მდგომარეობა