...

ბაიერნმა ჩემპიონთა ლიგა დამაჯერებელი გამარჯვებით დაიწყო

ნიკო კოვაჩის 100%-იანი მაჩვენებელი კვლავ ძალაშია - გერმანულმა გრანდმა ჩემპიონთა ლიგის ჯგუფური ეტაპის სტარტზე სტუმრად ლისაბონის "ბენფიკა" 2:0 დაამარცხა.

მიუნხენელებს იდეალური სტარტი გამოუვიდათ - "ბაიერნმა" ულამაზესი კომბინაციით სწრაფი გოლის გატანა მოახერხა. კიმიხმა ცენტრში სანჩეშს გრძელი გადაცემა გაუკეთა, რენატუმ მარცხნივ რიბერის გააყოლა, რომელიც საჯარიმოს მიუახლოვდა, ალაბას დაუგორა და ავსტრიელისგან მიღებული ბურთი რობერტ ლევანდოვსკიმ ოსტატურად შორეულ დაბალ კუთხეში მოათავსა - 0:1!


ამის შემდეგ "რეკორდმაისტერმა" რამდენიმე ძალიან სახიფათო სწრაფი შეტევა განახორციელა და მეორე ბურთის გატანა შეეძლო. ჯერ არიენ რობენი დარჩა პირისპირ და ვლაქოდიმოსმა აუღო, შემდეგ რიბერის ჰქონდა კარგი მომენტი და ტაიმის ბოლოს ფრანკის გადაცემით რობენი კვლავ ერთი-ერთზე დარჩა, მაგრამ მარჯვენა ფეხით ბურთ კარს გადააცილა.

ერთი მომენტი ჰქონდა "ბენფიკასაც", როდესაც მანუელ ნოიერმა ახლო კუთხეში მშვენიერი რეაქცია გამოავლინა. პირველი ტაიმი "ბაიერნმა" 1:0 უპრობლემოდ მოიგო.

მეორე ნახევარში ბევრი არაფერი შეცვლილა - მიუნხენელები კვლავ დომინირებდნენ, ხოლო "ბენფიკას" თითქმის არაფერი გამოსდიოდა. მეორე ნახევრის სტარტზე სანჩეშმა საკუთარი ნახევრიდან ჩინებული სოლორეიდი განახორციელა და საბოლოოდ შეტევა თავადვე დააგვირგვინა. რიბერიმ მარცხნივ ხამესს შეუყოლა და კოლუმბიელმა რენატუს ულამაზესი პასით გაატანინა - 0:2.


დარჩენილ დროში "ბაიერნმა" საქმე მშვიდად მიიყვანა ბოლომდე, მაგრამ ერთ-ერთ ეპიზოდში, რუბენ დიასის თავურის შემდეგ, მანუ ნოიერმა ფანტასტიკური რეაქცია გამოავლინა და დაამტკიცა, რომ მსოფლიოში საუკეთესო გოლკიპერია.

საბოლოოდ, 2:0 და "ბაიერნისთვის" მშვენიერი საღამო გამოდგა - სანჩეშის ბრწყინვალე დებიუტი ძირითადში, მშვენიერი ფეხბურთი და დამაჯერებელი გამარჯვება ჩემპიონთა ლიგის სტარტზე.

ბენფიკა 0:2 ბაიერნი

გოლები: 0:1 - ლევანდოვსკი (10'), 0:2 - სანჩეში (54').

გაფრთხილება: კიმიხი, ფეისა, ჟარდელი, ჰუმელსი.

ბენფიკა: ვლაქოდიმოსი - ანდრე ალმეიდა, რუბენ დიასი, ჟარდელი, გრიმალდო - ფეისა, ჟელსონ ფერნანდესი (ზივკოვიჩი 75'), პიცი (რ.სილვა 62') - სალვიო (გაბრიელი 62'), სეფეროვიჩი, ჩერვი.

ბაიერნი: ნოიერი - კიმიხი, ბოატენგი, ჰუმელსი, ალაბა - მარტინესი (მიულერი 88'), სანჩეში - რობენი, ხამესი (გორეცკა 79'), რიბერი (გნაბრი 62') - ლევანდოვსკი.скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ჩემპიონთა ლიგა
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები



სატურნირო მდგომარეობა